Nimbona Jean Pierre uzwi cyane mu muziki nka Kidumu, Kibido na Kibuganizo akaba umwe mu bahanzi bakomeye mu karere k’Afrika y’i Burasirazuba, yatangaje ko muri gahunda afite harimo no gukorana indirimbo na Kitoko.
Kidumu wamenyekanye mu ndirimo Kumushaha, Duzibiganza n’izindi, akoresheje urubuga rwa Facebook, yatangaje ko ari kwitegura gukorana indirimbo na Kitoko afata nka murumuna we ariko akaba umuntu ukomeye mu muziki.
Kidumu yatangaje ibi akoresheje ifoto yafotowe ari kumwe na Kitoko, hejuru yayo yandikaho amagambo agira ati: Planing a collabo with my little brother Kitoko.Le grand mupfubuzi w’umuziki. Ugenekereje aya magambo ye, Kidumu yagize ati: Ndi gutegura gukorana indirimbo na murumuna wanjye Kitoko,umupfubuzi ukomeye w'umuziki.
Inyarwanda.com twagerageje kuvugana na Kitoko kuri uyu mushinga wa Kidumu, ariko ntitwabasha kumubona. Kitoko Bibarwa ni umuhanzi nyarwanda ukunze kuririmba indirimbo z’urukundo akaba akunzwe n’abatari bacye haba mu Rwanda ndetse no hanze yarwo ariko muri iyi minsi akaba ari gukorera umuziki mu Bwongereza aho ari kuba ku mpamvu z’amasomo nk’uko abitangaza.
REBA HANO 'URANKUNDA BIKANDENGA' YA KITOKO
Eng
RSS 
TANGA IGITECYEREZO