Ubukwe bwa Heaven na Annet bwitabiriwe na benshi mu byamamare barimo na Senderi waririmbiye abageni mu rusengero

Senderi International Hit ni umwe mu bantu bitabiriye ubwo bukwe aho yari mu ruhande rw’umukobwa dore ko ari mwene wabo wo kwa Se wabo. Mu muhango wo kwiyakira wabereye Kimironko mu rusengero Four Square Gospel Church, Senderi yazanye n’itsinda ryo ku ruhande rw'umukobwa ryaje gutanga impano n’uko aririmbira abageni mu ndirimbo y’urukundo yitwa “Icyumvirizo”abari aho bose baramwishimira.

Heaven n'amatsiko menshi ashaka kureba mu maso h'umukunzi we Annet

Senderi yaririmbiye abageni indirimbo ye Icyumvirizo

Mu kiganiro na Inyarwanda.com Senderi International Hit yavuze ko yishimiye cyane uburyo abakristo bamwakiriye ndetse ashimishwa n’uburyo ubukwe bw'abarokore buba ari ubwa gihanzi ubona bumeze nk’igitaramo. Avuga ko yishimye cyane agatungurwa no gusanga abakristo bakunda indirimbo z’urukundo ziririmbiwe  mu bukwe. Abajijwe icyo apfana n’abageni bakoze ubukwe, yavuze ko Annet ari mwene wabo wo kwa Se wabo.

Heaven yambika impeta umukunzi we

Usibye umuhanzi Eric Senderi waririmbiye abageni,abandi bahanzi b'ibyamamare biganjemo abo muri Gospel babwitabiriye hari Aline Gahongayire, Patient Bizimana, Aime Uwimana, Didier Ntwari, itsinda Ibikwerere, The Worshipers, umuhanzikazi Hope Kalinda n’abandi barimo abapasiteri, Miss Irene Muhikira Nyampinga wa INILAK n'abandi bagaragaye mu itsinda “All Gospel”ubwo bashyikirizaga Heaven impano bamugeneye.

Abo mu itsinda All Gospel batanze impano kuri Heaven na Annet

Ubwo bukwe bwa Heaven na Annet bwaranzwe n’udushya twinshi. Mu kwifotoza abari bambariye abageni (Parrain na Marraine) bagaragaye bari mu byishimo bidasanzwe bamwe bakeka ko nabo baba bakoze ubukwe cyangwa se bakaba basanzwe bakundana. Akandi gashya ni uko Heaven yaririmbiye umugore we Annet indirimbo y’urukundo yuje imitima myinshi, umukobwa bikamurenga amarira akamushoka mu maso.

Heaven yaririmbiye umugore we agira ibyishimo bivanze n'amarira

Mu kiganiro na Inyarwanda.com Heaven yavuze ko afite ishimwe rikomeye ku Mana kuko yamukoreye ubukwe bwiza, ibirori byabo bikaba byiza cyane kurenza uko we yabitekerezaga. Heaven akoze ubukwe nyuma y’amezi make akoze impanuka ya moto akavunika akaboko ariko ubukwe bukaba bwarabaye karakize.

Andi mafoto yo mu bukwe bwa Heaven na Annet

Bifotoje barebana akana mu ijisho

Abageni bari mu modoka

Heaven na Annet binjira ahabereye Reception

Ubwo bukwe bwatashywe n'abantu batandukanye

Senderi yari yatashye ubukwe bwa mwenewabo Annet

Abageni barambitsweho ibiganza barasengerwa

Abo mu muryango w'umukobwa barimo na Senderi batanze impano

Ubukwe bwasojwe n'umuhango wo gutwikurura

AMAFOTO- Mukeshimana John