Rutahizamu w'ikipe y'igihugu ya Portugal, Cristiano Ronaldo ari mu nzira zo kongera amasezerano mu ikipe ya Al Nassr amwemerera ibirimo no kubona imigabane ingana na 5% muri iyi kipe.
Imyaka ibiri irashize uyu mukinnyi afashe umwanzuro wo gusesa amasezerano na Manchester United agahitamo kwerekeza muri Al Nassr.
Mu mpeshyi y'umwaka utaha amasezerano y'imyaka 2 n'igice yasinye muri iyi kipe ni bwo azaba arangiye. Nk'uko ibinyamakuru bitandukanye birimo Marca bibyandika, Cristiano ari mu biganiro n'iyi kipe byo kuba yakongera amasezerano y'umwaka umwe.
Muri aya masezerano mashya Cristiano Ronaldo yazahembwa amafaranga agera kuri miliyoni 167.9 z'Amapawundi ku mwaka. Aya uyagabanyije usanga uyu mukinnyi yazajya afata agera ku Mapawundi 291 ku munota, amapawundi 419,800 ku munsi ndetse na Miliyoni 3.19 z'Amapawundi ku Cyumweru.
Usibye ibi kandi Cristiano Ronaldo yazanahabwa imigabane ingana na 5% mu ikipe ya Al Nassr. Ibi bije nyuma yuko muri iyi kipe hagiye kuba impinduka mu buryo ikoramo ndetse ikaba igiye no guhabwa abayobozi bashya.
Ubusanzwe Cristiano Ronaldo muri iyi kipe ahembwa agera kuri miliyoni 164 z'Amapawundi ku mwaka nk'amafaranga yo mu kibuga ariko akanabona andi agera kuri miliyoni 49 z'Amapawundi akura mu bindi bikorwa byo hanze y'ikibuga birimo kugaragara mu bindi bikorwa byabereye muri Arabia Saudite ndetse kuba ambasaderi w'iki gihugu mu mupira w'amaguru.
Kuva uyu mukinnyi yagera muri iyi kipe amaze kuyikinira imikino 84 akaba yaratsinzemo ibitego 75 ndetse amaze no kuyifasha gutwara igikombe kimwe.
Cristiano Ronaldo ashobora gusinya amasezerano mashya amuha kugira imigabane ingana na 5% muri Al Nassr
Cristiano Ronaldo ashobora gusinya amasezerano mashya muri Al Nassr amugira umukinnyi ukomeza guhembwa amafaranga menshi ku Isi
Eng
RSS 
TANGA IGITECYEREZO