Mu gihe Mbabazi Lindsay Grace wamenyekanye muri Filime za Comedy hamwe n’umunyarwenya Annah Kansiime,yizihizaga isabukuru y’amavuko, umuhanzi Nemeye Platin wa hano mu Rwanda yagaragaje umubano wihariye bafitanye.
Uyu mubano Nemeye Platini wo muri Dream Boys afitanye na Grace Mbabazi wo muri Uganda ,wagaragajwe n’ubutumwa bwuje amagambo y’urukundo yamwoherereje mu rwego rwo kumwifuriza isabukuru nziza,ibi bikaba byateye benshi kwibaza niba baba bari mu rukundo cyangwa hari indi mpamvu yihariye yateye Platini kugaragaza ayo marangamutima.
Mbabazi Grace uzwi cyane mu mafilime ya Comedy
Nk’uko Platini Nemeye yabitangaje abinyujije kuri Instagram ye, yavuze ko nubwo atari hafi ya Grace Lindsay Mbabazi, ariko ko umutima we ari mu birori bye akaba yamwifurije isabukuru nziza.
Uyu niwe Grace Mbabazi umukinnyi wa Filime ndetse akaba n'umunyamakuru muri Uganda
Tugenekereje amagambo y’icyongereza ya Nemeye Platini,yagize ati “Ndi kure yawe ariko umutima wanjye uri kumwe nawe kuri iyi sabukuru yawe y’amavuko. Uze gushaka uwaba ameze nkanjye mwishimane uyu munsi,isabukuru nziza,muahh(bizu)….”
Nemeye Platini wo muri Dream Boys itsinda rikunzwe na benshi barimo na Grace Mbabazi
Nubwo amagambo ya Platini agaragaza uyu mubano wihariye afitanye na Grace Mbabazi, Platini yirinze kugira byinshi abivugaho.Inyarwanda.com yabajije Platin niba yaba ari mu rukundo na Grace,adutangariza ko ntacyo ashaka kubivugaho.
Ku ruhande rwa Grace Mbabazi, nyuma yo kubona ibyo mugenzi we Platini yamwifurije,nawe yishimye cyane avuga ko nta we bahwanye. Ati "Wazaniye isura yanjye ibyishimo,wakoze cyane muvandimwe,hahahahh(guseka cyane) nta we muhanye,uri inkoramutima"
Grace Mbabazi yanejejwe n'amagambo aryoshye yabwiwe na Platini
Ikintu kemeza neza ko Platini na Grace baziranye bihagije ni uko mu byumweru bitatu bishize, Grace yashyize kuri instagram ye ifoto ya TMC ubana na Platini muri Dream boys, maze Grace akavuga ko iyo foto ari nziza cyane.
Grace Mbabazi yakunze cyane iyi foto ya TMC
Si ibyo gusa ahubwo indi mpamvu ibishimangira,Grace Mbabazi ni umukunzi w'itsinda Dream Boys rigizwe na Platini na TMC. Mu gitaramo Nzibuka n'abandi Dream boys iheruka gukora,Grace yacyamamaje inshuro nyinshi zihagije aho yashishikarizaga abantu kuzakitabira.
Nemeye Platini yahoze akundana na Rozy nyuma baza gutandukana acundikana n’uwiyise Nemeye Diane kuva mu mpera ya 2013 ariko babanza kubigira ibanga rikomeye.
Nemeye Platini hamwe na Diane uzwi ko ariwe mukunzi we
Ese Platini yaba atandukanye na Diane akamusimbuza Grace Mbabazi?
Gideon N.M
Eng
RSS 
TANGA IGITECYEREZO