Joze Chameleon yeretswe urukundo rudasanzwe

Uyu munsi, abahanzi bakomeye barimo Pallaso wo muri Uganda na Rudeboy wo muri Nigeria bagiriye urugendo rwo kumusura aho arwariye muri Amerika. Iki gikorwa cyakoze ku mitima y’abakunzi b’aba bahanzi, bakishimira urukundo aba basangirangendo bagaragarije Chameleon umaze iminsi mu bitaro.

Nubwo ari mu bihe by’uburwayi, amashusho yashyizwe ku mbuga nkoranyambaga agaragaza Chameleone yicaye hamwe na Pallaso baririmba mu buryo bushimishije, Pallaso acuranga gitari. Aya mashusho yagaragaje neza ko Chameleone, nubwo ahanganye n’ubuzima, akomeje kwerekana imbaraga n’ubushake bwo gukomera.

Igitangaje kurushaho, ni urukundo rwerekanwe na Rudeboy, umuhanzi ukomeye muri Nigeria. Pallaso nawe yashimiye cyane Jose  Chameleone  mu butumwa bwuzuyemo amarangamutima yashyize kuri Twitter, agira ati: “Data wo mu ijuru, ha umugisha n’imbaraga umuvandimwe wanjye.”

Pallaso yakomeje ashimira abafana baguma hafi yabo muri ibi bihe bikomeye, agira ati: “Murakoze cyane ku rukundo rwanyu, amasengesho, n’inkunga mukomeje kutugaragariza. Birakomeye kandi bifite agaciro kadasanzwe. Bimuha amahoro aho ari hose.”

 Chameleone nawe, mu butumwa yatanze ku mugoroba washize, yashimiye abamwitaho muri ibi bihe, agaragaza ko ashimira cyane igikorwa cya Rudeboy, Pallaso n’abagize umuryango we. Gusurwa kwe bifite igisobanuro kinini, atari mu buzima bwe gusa, ahubwo no mu ruhando rwa muzika nyafurika.

 Iki gikorwa cy’urukundo cyerekanye umuco wo gufatana mu mugongo hagati y’abahanzi, kandi byagaragaje ko ubufatanye bwabo burenze imipaka y’ibihugu, bigaragaza umuryango uhamye wa muzika nyafurika.

Rudeboy  wahoze mu itsinda rya P-Square nawe ari mu bahanzi basuye  Chameleone  nyuma yo gukorera igitaramo cy'amateka i Kampala 

Murumana we Pallaso ari mu bamusuye ndetse amuragiza Imana

Chameleone kandi aherutse gusurwa na Bebe Cool 

Umwanditsi: NKUSI Germain