Abarimo Perezida wa Sena, Dr Kalinda bunamiye Abanyapolitiki bishwe bazira kurwanya umugambi wa Jenoside yakorewe Abatutsi - AMAFOTOq

Ni mu gikorwa kiri kubera ku Rwibutso rwa Jenoside rwa Rebero kuri iki Cyumweru tariki 13 Mata 2025, ahari gusorezwa Icyumweru cy'Icyunamo, hazirikanwa abanyapolitiki bishwe bazizwa kurwanya umugambi wa Jenoside yakorewe Abatutsi.

Dr Kalinda François Xavier, yari kumwe na Perezida w’Umutwe w’Abadepite, Gertrude Kazarwa; Perezida w’Urukiko rw’Ikirenga, Domitilla Mukantaganzwa; Minisitiri w’Intebe, Dr Ngirente Edouard; Ambasaderi wa Zimbabwe mu Rwanda, Charity Manyeruke, ari na we uhagarariye Abadipolomate bakorera mu Rwanda n’abandi bayobozi muri Guverinoma.

Minisitiri w’Ubumwe bw’Abanyarwanda n’Inshingano Mboneragihugu, Dr Jean Damascène Bizimana; Perezida wa Ibuka, Dr Gakwenzire Philbert; Umuyobozi Mukuru wa Polisi y’Igihugu, CG Felix Namuhoranye n’Umugaba Mukuru w’Ingabo z'u Rwanda, Gen Mubarakh Muganga, bunamiye Abanyapolitiki bishwe bazira kurwanya umugambi wa Jenoside yakorewe Abatutsi mu 1994.

Abo mu miryango y’Abanyapolitiki bishwe muri Jenoside yakorewe Abatutsi mu 1994 bazizwa kurwanya uwo mugambi wari warateguwe na Leta, babunamiye ndetse bashyira indabo ku mva ziruhukiyemo imibiri yabo.

Aba Banyapolitiki 21 bashyinguye mu Rwibutso rwa Jenoside rwa Rebero ruri ku musozi wa Rebero mu Karere ka Kicukiro, Umujyi wa Kigali.

Perezida wa Sena y’u Rwanda, Dr Kalinda François Xavier, yunamiye Abanyapolitiki bishwe bazira kurwanya umugambi wa Jenoside yakorewe Abatutsi

Perezida w’Umutwe w’Abadepite, Gertrude Kazarwa

Perezida w’Urukiko rw’Ikirenga, Domitilla Mukantaganzwa

Minisitiri w’Intebe, Dr Ngirente Edouard

Minisitiri w'Ubumwe bw'Abanyarwanda n'Inshingano Mboneragihugu, Dr Jean Damascene Bizimana

Abo mu miryango y’Abanyapolitiki bishwe muri Jenoside yakorewe Abatutsi babunamiye ndetse bashyira indabo ku mva ziruhukiyemo imibiri yabo