Sobanukirwa akazi ka 謝罪代行 ko gusaba imbabazi kagahemba neza mu Buyapani

Igitekerezo cya Shazai Daikou (謝罪代行) cyatangiye mu mwaka wa 2000 ahanini bitewe n’uko abantu bari batangiye guhugira mu bintu byinshi cyane kandi gusaba imbabazi na none bikaba umuco wabo kuva mu binyejana byinshi byatambutse.

Hari impamvu nyinshi zituma uyu muco wa 謝罪代行 udacika ahubwo ugakomeza kwaguka umunsi ku wundi. Izo mpamvu zirimo;

Imyitwarire y’Abayapani: Mu muco wabo, gusaba imbabazi bikozwe neza bishobemera ko aribyo bituma babana neza.

Kurinda Agaciro k’Umuntu: Gusaba imbabazi bishobora kuba igikorwa kigoye ku muntu, cyane cyane iyo ari umuntu w’icyubahiro. Gukoresha umuntu ubimukorera bifasha kurinda isura ye mu bandi.

Inyungu z’Ubucuruzi n’Amategeko: Ibigo bikora amakosa bikoresha aba bantu kugira ngo basabe imbabazi zabo mu buryo butazabagiraho ingaruka mu mategeko.

Gukumira Amarangamutima: Hari abantu batabasha gusaba imbabazi neza kubera amarangamutima, maze bagahitamo gukoresha inzobere zibafasha.

Iyo abakozi bagiye gusaba imbabazi mu muco wa Shazai Daikou, Babanza gusesengura ikibazo, gutegura ubusabe bw’imbabazi, gusaba cyangwa gutanga imbabazi hanyuma icya nyuma bagakurikirana icyavuye mu busabe bwabo cyangwa se mu byifuzo byabo.

Shazai Daikou ikorwa cyane mu Buyapani ariko mu bice bimwe na bimwe bya Aziya nka Koreya, China ho bagite ikitwa (面子, miànzi), mu bihugu by’abarabu … gusa Ubuyapani akaba aribwo bwimirije imbere uyu muco wo gusaba imbabazi.

Abantu bakunze gushyiraho aba bakozi bashinzwe Daikou Shazai barimo ibigo bitandukanye, abanyepolitiki, abantu ku giti cyabo, abari mu nkiko.

Mu gihe ukoze ikosa ntusabe imbabazi, byangiza isura yawe, ntabwo wongera icyubahiro nk’icyo wahabwaga ndetse hakaba hari amategeko ahana uwanze gusaba imbabazi kandi yakosheje mu buryo bukomeye.