Nairobi: Bikem wa Yesu yateguye igitaramo cy’amakorasi ya Kera

Bikem wa Yesu wateguye iki gitaramo, yari amaze iminsi atanga ibyishimo ku batari bake ku rubuga rwe rwa youtube ruzwi nka B"ikem wa yesu” aho yazanye uburyo bushya bwo gusubiramo amakorasi ya kera yagiye akundwa mu bihe byatambutse.

Uyu muvuno ukaba warishimiwe cyane n'abatari bake, aho usanga benshi bashima iri vugabutumwa Bikem yatangije bakavuga ko ryari rikenewe, kuko bifasha abakristo kwibuka no kurinda uguhamagarwa kwabo ko hambere kandi ko ngo izi korasi zibafasha cyane gusabana n’Imana dore ko hari benshi ngo banazikoresha iyo bari mubihe by’amasengesho 

Hashize ukwezi kumwe Bikem wa Yesu ari muri Nairobi aho ari mu bikorwa bitandukanye by'umuziki birimo kunoza neza indirimbo nyinshi z'igiswahili yifuza gushyira hanze mu minsi iri imbere.

Mu kiganiro na inyaRwanda, Bikem yavuze ko iki gitaramo agiteguye mu rwego rwo gusubiza ibyifuzo by'abafana be bagiye babimusaba kenshi. Kuri iyi nshuro ya mbere rero igitaramo kikaba kigiye kubera i Nairobi ku itariki 30/3/2025.

Iki gitaramo Bya Bihe Live Concert kizabera mu itorero Unit International Pentecost church riyoborwa n’umushumba Mutsinzi Gadi wahoze ari umuririmbyi wa Korali Agape ikorera umurimo w’Imana kuri ADEPR Nyarugenge.

Bikem ati: "Tuzataramirwa kandi n’Umuhanzi Shyaka, Ebenezer Choir, tukaba tuzigishwa na Pastor Ezekiel umwigisha usize amavuta y’Imana ukunzwe n'abatari bake mu iki gihugu". Pastor Gadi ukuriye iri torero iki gitaramo kizaberamo nawe azabwiriza muri iki gitaramo. 

Bikem wa Yesu witegura guhita agaruka mu Rwanda yavuze ko n'abakunzi be bari muri Kigali n'ahandi mu gihugu hari agaseke gapfundikiye yenda kubapfundurira.

 Bikem wa Yesu amaze iminsi abarizwa muri Kenya

Korali Ebenezer y'i Nairobi nayo izaririmba mu gitaramo cya Bikem

Pastor Gad Mutsinzi nawe azagabura ijambo ry'Imana

Umuramyi Shyaka nawe azafatanya na Bikem mu gitaramo cyo muri Kenya

Pastor Ezekiel ni umwe mu bazabwiriza muri iki gitaramo

Reba Hano Indirimbo "Igitambo Cy’Amaraso” ya Bikem wa Yesu