Ubukungu bw'u Bwongereza bugiye kugabanyuka mu myaka itatu iri imbere

OECD yatangaje ko ubukungu bw'u Bwongereza buzagabanyuka mu myaka itatu iri imbere. Iyi raporo yatangajwe ku wa Mbere, 17 Werurwe 2025, igaragaza ko izamuka ry'ubukungu bw'u Bwongereza rizaba hasi mu myaka iri imbere, mu gihe igihugu gihura n'ibibazo by'ubukungu byatewe n'intambara z'ubucuruzi n'izamuka ry'ibiciro by'ibiribwa.

Imibare ya OECD igaragaza ko ubukungu bw'u Bwongereza buzagura ku kigero cya 1.4% mu 2025, na 1.2% mu 2026, ibi bikaba ari byiza ariko biri munsi y'ibipimo cyari cyitezwe. 

U Bwongereza bukaba bwitezwe gukura vuba muri G7 nyuma y'u Butaliyani, ariko ibindi bihugu birimo Amerika byagizweho ingaruka n'intambara z'ubucuruzi na za misoro ku bicuruzwa mpuzamahanga.

Minisitiri w'Ubukungu, Rachel Reeves, yiteguye gukora impinduka mu ngengo y'imari mu rwego rwo guhangana n'ibibazo by’ubukungu, harimo kugabanya amafaranga y'ingengo y’imari. 

Ibi biraba mu rwego rwo guha igihugu amahirwe yo guhura n’ibibazo biri mu bukungu bw’isi, by’umwihariko mu gihe OECD isaba ibihugu gukorana mu kugabanya inzitizi z’ubucuruzi no gukomeza imikoranire mpuzamahanga, nkuko byatangajwe na Reuters.

Abantu benshi barategereje uburyo Minisitiri Rachel Reeves azakemura ibi bibazo, kugira ngo u Bwongereza buzabashe kurenga iki gihe gikomeye cy'ubukungu.