Sitade ya Stamford Bridge niyo yabyaye Chelsea! Imyaka 120 Chelsea yayibyaje uwuhe musaruro?

Mu zindi ntego nyamukuru zatumye uyu mucuruzi ashinga iyi kipe, yashakaga guhatana akaba umwami mu Bwongereza ndetse no ku ruhando mpuzamahanga dore ko bari bagiye kujya bakinira muri sitade nziza ya Stamford Bridge kuko yo yubatswe mu mwaka wa 1877.

Kugira ngo yibikeho abafana barenga za miliyoni ku Isi, yarabiharaniye binyuze mu gutwara ibikombe no kugira abakinnyi b’ibikurankota utibagiwe kandi n’abatoza bakomeye ku Isi.

Dore ibyagize (Ibikombe, abakinnyi, abatoza) Chelsea ikipe y’igihangange kuri ubu ikaba iri kwizihiza imyaka 120.

1. Ibihe by’ubuhangange muri UEFA Champions League (Ibikombe 2)

Kwegukana UEFA Champions League ni ryo rushanwa rikomeye ku makipe yo ku mugabane w’u Burayi, kandi Chelsea yarabikoze inshuro ebyiri:

•        2011-12: Chelsea yegukanye igikombe cya mbere cya Champions League iyobowe na Roberto Di Matteo. Nyuma yo gutsinda Bayern Munich kuri penaliti mu mukino wakiniwe kuri Allianz Arena, Didier Drogba ahesha Chelsea igikombe.

•        2020-21: Chelsea yegukanye igikombe cya kabiri itozwa na Thomas Tuchel, itsinda Manchester City 1-0 ku mukino wa nyuma, aho igitego cyatsinzwe na Kai Havertz.

2. UEFA Europa League (Ibikombe 2)

•        2012-13: Chelsea yabaye ikipe ya mbere yegukanye Champions League na Europa League mu myaka ibiri ikurikiranye.

•        2018-19: Chelsea yatsinze Arsenal 4-1 ku mukino wa nyuma, yongera kugaragaza ubuhangange bwayo ku mugabane w’u Burayi.

3. Ibikombe bya Shampiyona y’u Bwongereza (Premier League 6)

Chelsea yegukanye shampiyona y’u Bwongereza inshuro 6, eshanu muri zo zikaba ari iz’igihe cya Premier League:

•        1954-55: Chelsea yegukanye shampiyona yayo ya mbere.

•        2004-05 & 2005-06: Iyobowe na José Mourinho, Chelsea yegukanye shampiyona ebyiri zikurikiranye igaragaza ko Atari agafu k’imvugwa rimwe.

•        2009-10: Carlo Ancelotti yatoje Chelsea itsinda ibitego 103, iba imwe mu makipe yatsinze ibitego byinshi muri shampiyona.

•        2014-15 & 2016-17: Mourinho (2015) na Antonio Conte (2017) batoje Chelsea ubwo yegukanaga ibi bikombe.

4. Ibikombe bya FA Cup (8)

Chelsea yegukanye FA Cup inshuro 8:

•        1970, 1997, 2000, 2007, 2009, 2010, 2012, na 2018.

•        Mu 2010, Chelsea yatwaye FA Cup, yegukana double (Shampiyona + FA Cup) itozwa na Ancelotti.

5. Ikipe ya Mbere yo mu Bwongereza Yegukanye Ibikombe Byose Bikomeye bya UEFA

Chelsea yaciye agahigo iba ikipe ya mbere yo mu Bwongereza yegukanye ibikombe byose bya UEFA:

•        Champions League (2012, 2021)

•        Europa League (2013, 2019)

•        Cup Winners’ Cup (1971, 1998)

•        Super Cup (1998, 2021)

6. Igikombe cy’Isi cy’Amakipe (FIFA Club World Cup - 2021)

Chelsea yegukanye FIFA Club World Cup bwa mbere mu 2021, itsinda Palmeiras 2-1, itsindira igikombe cya nyuma cyari kibuze mu bubiko bwayo.

7. Amateka Adasanzwe Mu Bwongereza

•        Imikino 86 idatsinzwe kuri Stamford Bridge (2004-2008), akaba ari agahigo mu mateka ya Premier League kakiriho.

•        Ikipe ya mbere yo mu murwa wa Londres yegukanye UEFA Champions League.

8. Igihe cya Roman Abramovich (2003-2022)

Ubuhangange bwa Chelsea bwamamaye kuva ku kugurwa n’umuherwe Roman Abramovich mu 2003. Muri iyi myaka, Chelsea yegukanye ibikombe 21 bikomeye, iyobora umupira w’amaguru ku mugabane w’u Burayi.

9. Abakinnyi n’Abatoza b’Amateka

Mu myaka yashize, Chelsea yakinwemo n’abakinnyi b’ibihe byose ndetse n’abatoza bakomeye:

•        Abakinnyi b’ibirangirire: Frank Lampard, Didier Drogba, John Terry, Gianfranco Zola, Petr Čech, Eden Hazard.

•        Abatoza b’amateka: José Mourinho, Carlo Ancelotti, Antonio Conte, Thomas Tuchel.

10. Ikipe y’Abagore ya Chelsea

Chelsea Women ni imwe mu makipe akomeye mu mupira w’amaguru w’abagore, aho yegukanye ibikombe byinshi bya Women’s Super League, FA Cup, n’ibindi bikombe by’amarushanwa atandukanye, biyifasha kwandika amateka.

Kuri ubu, Chelsea iri kwizihiza imyaka 20 imaze ishinzwe aho ntako itagize ngo ihe abafana bayo ibyishimo ugereranyije n’andi makipe ndetse irenga urwego rwo gushimisha abagabo gusa ahubwo iha ijambo umugore kuri ubu akaba ari ku isonga.

Chelsea imaze kwegukana Champions League 2 mu mateka yayo ibikomeza gushimangira ubushongore n'ubukaka bwayo

Chelsea imaze kwegukana ibikombe byinshi haba ibyo mu bwongereza ndetse n'ibyo ku mugabane w'i Burayi

Didier drogba ni umwe mu bakinnyi b'ibihe byose bakiniye Chelsea FC

Sirade ya Stamford Bridge niwe mubyeyi wa Chelsea