Imitwe itatu yitwaje intwaro yihurije hamwe mu guhirika ubutegetsi bwa Ndayishimiye Evariste

Ibi bikubiye mu itangazo ryashyizwe hanze na FBL-Abarundi ryasinyweho n’umuvugizi w’uyu mutwe, Maj Mugisha  Joab ryagiye ahagaragara ku mugoroba wo kuri uyu wa Mbere tariki ya 17 Gashyantare 2025.

Iri tangazo rivuga ko ibirikubiyemo ari imyanzuro y’inama yateranye ku wa 16 Gashyantare 2025 ahitwa i Musigati – Bubanza.

Ingingo ya mbere y’iri tangazo igaruka ku kwihuza kw’imitwe yitwaje intwaro ya FRB ABARUNDI, UPR, UPF kugira ngo babohore ingoyi y’ubutegetsi bubi ku gihugu cyabo cy’u Burundi.

Ingingo ya kabiri ni uko umutwe w'ingabo za Ipso Facto ziyemeje guhindura amazina hanyuma bakitwa ‘Front Liberation Front’ (FLF-Abarundi).

Uyu mutwe wa FLF-Abarundi wasabye indi mitwe yose n’amashyaka yose gufatanya nawo hanyuma bakarwanya ubutegetsi bwa CNDD-FDD buyobowe na Perezida Ndayishimiye Evariste.

Mu mbwirwaruhame nyinshi aheruka kugeza ku baturage ayoboye, yumvikanisha ko Igihugu cy’u Burundi cyavuye kure bityo azarwanya buri wese ushoboka kugira ngo atongera kugisubiza aho cyahoze.

Itangazo ryashyizwe hanze rihamagarira indi mitwe n'amashyaka kwihuriza hamwe bagahigika ubuyobozi bwa Evariste Ndayishimiye