Ni umunsi mpuzamahanga wo kurwanya kanseri! Menya ibyaranze iyi tariki yatangirijweho Facebook mu mateka

Ibintu biba byarabaye kuri iyi tariki mu myaka yashize ni byinshi cyane ariko uyu munsi, InyaRwanda yaguhitiyemo bimwe mu by’ingenzi bidateze kwibagirana mu mateka y’isi.

Uyu munsi, Isi yose yizihiza umunsi mpuzamahanga wo kurwanya indwara ya kanseri.

Bimwe mu byaranze uyu munsi mu mateka y’Isi:

1912: François Reichelt yasimbutse akoresheje umutaka, ava mu igorofa ya mbere ya Tour Eiffel agwa hasi arashwanyagurika.

1933: Mu Budage hashyizweho itegeko rirengera abaturage b’Abadage ryemejwe n’Umuyobozi wa Polisi mu rwego rwo kugenzura itangazamakuru n’inama.

1938: Hitler yateguye intambara ashyiraho Minisitiri w’Ububanyi n’Amahanga Joachim von Ribbentrop.

1945: Itangira ry’Inama ya Yalta yahuje Churchill, Roosevelt, Staline.

1949: Radio y’u Bufaransa yahinutse Radio Televiziyo y’u Bufaransa RTF.

1953: Hakozwe imodoka igenewe amasiganwa yo mu bwoko bwa 753-RT.

1961: Imyivumbagatanyo muri Angola hatangara kurwanywa ubuyobozi bw’Abanye-Portugal.

1964: U Bushinwa bwashinje Abasoviyeti gushaka gukwirakwiza ubutegetsi bwabo ku Isi banyuze mu bufatanye bwa Politiki na Leta Zunze Ubumwe za Amerika.

1966: Indege yo mu bwoko bwa Boeing 727 y’u Buyapani yashwanyukiye mu nyanja ya hafi ya Tokyo, abantu bagera ku 133 bahasiga ubuzima.

1969: Hafunguwe umurongo wa ARPANET waje guhinduka internet.

1972: U Bwongereza n’ibindi bihugu icyenda byemeye Leta ya Bangladesh, yahoze yitwa Pakistan y’u Burasirazuba.

1987: U Buhinde na Pakistan basinye amasezerano yo kugabanya ubushyamirane bwari hagati y’ibihugu byombi.

1988: Umutingito ufite ubukana bwa 6,4 ku gipimo cya Richter, mu Ntara ya Takhar muri Afghanistan wahitanye abantu basaga 2000.

1990: Umuhengeri udasanzwe ufite umuvuduko wa 185km/h, mu Majyaruguru y’u Burayi, uhitana abantu 23.

1992: Haburijwemo ihirikwa ry’Ubutegetsi ryateguwe na Hugo Chávez abantu 15 bahasiga ubuzima, 51 barakomereka, abandi 1100 barafatwa.

Inzego z’ubutasi za Québec zavumbuye ibilo 685 bya Cocaïne zifite agaciro ka miliyoni 513$ mu cyobo cy’ahitwa Vaudreuil.

1993: Ikirunga cya Mayon muri Philippines, cyararutse gihitana abantu 25.

1996: Falcon 900EX yaciye agahigo mu kwihuta cyane mu rugendo Paris-Singapour rureshya na 11.840 km. Yazirutse mu masaha 12 n’iminota 50 ni ukuvuga ko yagendaga 923 km/h. Icyo gihe yakoresheje habariwemo no kuba yarahagaze i Abou Dabi.

2003: Loni yemeye iyoherezwa ry’Ingabo z’Abafaransa muri Côte d’Ivoire, mu mwanzuro 1464, watowe ku bwiganze busesuye n’Akanama ka Loni gashinzwe Umutekano.

2004: Ivuka ry’urubuga rwa Facebook.

2011: Thein Sein yabaye Perezida wa Birmania.

Abavutse kuri iyi tariki:

1912: Louis-Albert Vachon, Cardinal akaba n’Umwepisikopi wa Québec.

1923: Belisario Betancur Cuartas, Perezida wa Repubulika ya Colombie wategetse mu 1982 -1986.

1931: Isabel Peron, Perezida wa Argentine, Umugore wa mbere wabaye Perezida ku Isi.

Abitabye Imana kuri uyu munsi:

211: Septime Sévère, Umwami w’Abami wa Roma.

708: Papa Sisinnius.

1936: Wilhelm Gustloff, Umuyobozi w’itsinda ry’Abanazi mu Busuwisi.

2004: Pierre Dumas, uwahoze ari Minisitiri wa Général de Gaulle akaba yaranabaye Depite wa mbere wa Chambéry.

2006: Betty Friedan, Umwanditsi w’umugore w’Umunyamerika, akaba yaritabye Imana ku isabukuru ye y’amavuko. Yavutse kuwa 4 Gashyantare 1921.

2012: Florence Green, Uwanyuma warwanye intambara ya mbere y’Isi, “Women’s Royal Air Force.”

Uyu munsi, Kiliziya Gatolika yizihiza Mutagatifu Vanessa, Venessa, Véronique, Veronica, Veronika, Bérénice, Bérényce, Bernice, Bernicé, Beronica, Beronice n’abandi.