Abahanzi ba Afrika bafite Grammy Awards nyinshi

Mu ruganda rw'umuziki mpuzamahanga, abahanzi bo muri Afurika bagiye bagaragaza impano idasanzwe, bityo benshi muri bo bagahabwa ibihembo bikomeye ku rwego rw'isi. Hano hari urutonde rw'abahanzi bo muri Afurika bafite Grammy nyinshi:

1. Angélique Kidjo

Angélique Kidjo ni umwe mu bahanzi b'icyamamare bo muri Benin, akaba afite Grammys eshanu. Azwiho impano idasanzwe, kandi afite umusanzu ukomeye mu kuzamura umuziki w'Afurika ku rwego mpuzamahanga.

2. Ladysmith Black Mambazo

Iri tsinda ryo muri Afurika y'Epfo ryamenyekanye cyane kubera injyana ya Isicathamiya. Ribasha gukora indirimbo zifite umudiho wihariye, kandi ryafashije gukwirakwiza umuziki wa Afurika ku isi yose.

3. Soweto Gospel Choir

Iri tsnda ryashimwe cyane mu muziki wa Gospel. Ryahawe Grammys eshatu kubera ubuhanga bwabo mu gutanga ubutumwa bwiza n'umudiho w'umuziki wa gospel.

4. Owuor Arunga

Owuor Arunga ni umwanditsi n'umucuranzi w'indirimbo za Jazz. Akomoka muri Kenya, kandi afite Grammys eshatu kubera umusanzu we mu kuzamura umuziki wa Jazz.

5. Ali Farka Touré

Ali Farka Touré waturutse muri Mali, ni umwe mu bahanzi b'icyamamare bashyize umuziki wa griot w'Afurika mu ruhame rw'isi. Afite Grammys eshatu.

6. Wouter Kellerman

Wouter Kellerman ni umucuranzi w'umuziki w'ikoranabuhanga n'umuziki wa classical. Afite Grammy ebyiri kubera ubuhanga bwe mu guhuza indirimbo za classical n'izindi njyana.

7. Tems

Tems ni umuhanzikazi ukomeye w'umunya-Nigeria, watsindiye Grammy ebyiri kubera impano ye idasanzwe mu njyana ya R&B na Afrobeats. Uyu muhanzikazi akaba yatwaye Grammy ya kabiri tariki 2 Gashyantare 2025.

8. Sikiru Adepoju

Sikiru Adepoju ni umucuranzi w'umunyafurika, akaba afite Grammy imwe kubera ubuhanga bwe mu gucuranga ingoma za kinyafrika.

9. Burna Boy

Burna Boy, umuhanzi w'icyamamare wo muri Nigeria, amaze guhabwa Grammy imwe kubera umuziki we ukomeye, wuzuye imiziki ya Afrobeat.

10. Wizkid

Wizkid ni umwe mu bahanzi bakomeye b'Abanya-Nigeria, akaba afite Grammy imwe. Azwi ku rwego mpuzamahanga kubera indirimbo ze zikunzwe cyane mu njyana ya Afrobeats.

11. Black Coffee

Black Coffee ni umwe mu bahanzi bakomeye bo muri Afurika y'Epfo. Afite Grammy imwe yahawe kubera umusanzu we mu njyana ya house music

12. Miriam Makeba

Miriam Makeba, umuhanzikazi w'icyamamare wo muri Afurika y'Epfo, wamenyekanye ku isi yose kubera indirimbo ze ziri mu miririmbire yihariye, afite Grammy imwe.

Ibihembo bya Grammy bigaragaza ukuntu abahanzi bo muri Afurika bakomeje gutanga umusanzu ukomeye mu ruganda rw'umuziki mpuzamahanga. Ni ishema rikomeye ku mugabane, kandi bizatuma umuziki wa Afurika ukomeza kuba ikimenyabose ku isi yose.