Minisiteri y'Abakozi ba Leta n'Umurimo yatangaje ku wa Mbere tariki 3 Gashyantare 2025, ari umunsi w'ikiruhuko mu rwego rwo gukomeza kwizihiza Umunsi Mukuru w'Intwari.
Nk'uko bisanzwe buri tariki ya mbere Gashyantare aba ari umunsi wo kwizihiza umunsi w'Intwari z'Abanyarwanda .
Kuri ubu uyu munsi uzahurirana n'impera z'icyumweru aho uzizihizwa ku munsi w'ejo ku wa Gatandatu. Ibi nibyo byatumye Minisiteri y'Abakozi ba Leta n'Umurimo itangaza ko ku wa Mbere tariki ya 3 Gashyantare bizaba ari umunsi w'ikiruhuko nk'uko n'ubundi byari byitezwe.
Mu itangazo yashyize hanze yagize iti" Kubera ko umunsi mukuru w'Intwari z'lgihugu uzaba tariki ya 1 Gashyantare 2025 ugahurirana n'impera z'icyumweru, Minisiteri y'Abakozi ba Leta n'Umurimo ishingiye ku Iteka rya Perezida N° 062/01 ryo ku wa 19/10/2022 rigena iminsi y'ikiruhuko rusange, iramenyesha abakozi n'abakoresha ko ku wa mbere tariki ya 3 Gashyantare 2025 azaba ari umunsi w'ikiruhuko".
Abanyarwanda ni ku nshuro ya 31 bagiye kwizihiza umunsi w'Intwali aho kuri ubu ufite insanganyamatsiko iragira iti: "Ubutwari n'Ubumwe bw'Abanyarwanda, inkingi z'iterambere."
Eng
RSS 
TANGA IGITECYEREZO