Imvura yaguye ejo ku Cyumweru tariki 26 Mutarama 2025 muri California y’Amajyepfo, yatanze icyizere cyo gufasha mu guhangana n’inkongi zikomeje kwibasira aka karere, ariko iteza ibyago bishya birimo imyuzure, isuri n’inkangu.
Iyi mvura yaguye mu gihe abaturage n’abashinzwe kuzimya inkongi bari bakeneye cyane ubufasha. Nyamara nk’uko byatangajwe n’Ikigo cy’Iteganyagihe (National Weather Service), imvura yatangiye gutera ibibazo, aho inkongi zanyuze hashyizweho ingamba zo gukumira imyuzure kuva ku ejo ku Cyumweru mu gitondo kugeza ku mugobora wo kuri uyu Mbere.
Kuva inkongi zatangira ku wa 7 Mutarama, zangije byinshi:
Abantu 28 bahasize ubuzima, inyubako zisaga 23,000 zirasenyuka, kandi igice kinini cya Los Angeles n’utundi duce two muri California y’Amajyepfo byahungabanyijwe bikomeye nk’uko ABC News yabitangaje.
Raporo ya Cal Fire igaragaza ko inkongi nyinshi zangije byinshi muri California y’Amajyepfo:
Umuriro wa Palisades wangije hegitari zisaga 9,300, uhitana abantu 11.
Umuriro wa Eaton wangije hegitari zisaga 5,600, wica abantu
17.
Umuriro wa Hughes wangije hegitari zisaga 4,000.
Eng
RSS 
TANGA IGITECYEREZO