Umuvugizi w’Ingabo z’u Rwanda, Brig Gen Ronald Rwivanga yatangaje ko abaturage batanu bo mu karere ka Rubavu bahitanwe n'Ibisasu byarashwe n'abasirikare ba Repubulika Iharanira Demokarasi ya Congo ndetse n’umutwe w’iterabwoba wa FDLR.
Ibi yabitangarije RBA aho yavuze ko ibi bisasu byarashwe muri aka karere ka Rubavu kuru uyu wa Mbere tariki ya 27 Mutarama 2025.
Usibye aba bitabye Imana kandi Brig Gen Ronald Rwivanga yavuze ko hari abantu 35 bakomeretse ndetse bari kwitabwaho mu mavuriro atandukanye. Yahumurije abaturage, abizeza ko Ingabo z'u Rwanda zihagaze neza.
Ibi biri kuba nyuma y'uko mu gitondo cyo kuri uyu wa Mbere aribwo abarwanyi ba M23 bigaruriye umujyi wa Goma,igatangaza ko ikirere cyawo gifunze ndetse ibikorwa byose bibera mu Kiyaga cya Kivu ku ruhande rwa Repubulika Iharanira Demokarasi ya Congo byahagaze.
Hari abasirakere ba FARDC bari i Goma bahisemo guhungira mu Rwanda,abandi bishyikiriza M23 bamburwa intwaro gusa hari n'abandi bahisemo kugumayo akaba ari nabo barimo bararasa ku butaka bw'u Rwanda bafatanyije n'abo mu mutwe w’iterabwoba wa FDLR.
Umuvugizi w'Igisirikare cy'u Rwanda Brig Gen Rwivanga yijeje abanyarwanda umutekano
Eng
RSS 
TANGA IGITECYEREZO