Rayon Sports yatandukanye na Charles Bbale

Kuwa Gatanu w'icyumweru gishize ni bwo hagiye hanze amakuru avuga ko uyu mukinnyi yandikiye ikipe ya Rayon Sports ayisaba gutandukana nayo 

Nyuma y'ibi kuri uyu wa Mbere tariki ya 20 Mutarama 2025 iyi kipe yambara Ubururu n'Umweru ibinyujije ku mbuga nkoranyambaga zayo yatangaje ko yatandukanye nawe.

Charles Bbale aganira na InyaRwanda yavuze ko impamvu yahisemo kwandikira iyi kipe ayisaba gutandukana nayo ari ukubera ko nta kintu afite cyo kubafasha muri uyu mwaka w'imikino bijyanye n'ikibazo cy'imvune yagize.

Yagize ati: "Impamvu nandikiye Rayon Sports nyisaba gutandukana nayo ni ukubera ko nta kintu mfite cyo kuyifasha muri uyu mwaka w'imikino bijyanye n'ikibazo cy'imvune afite."

Nubwo uyu mukinnyi yasabye iyi kipe gutandukana nayo kubera ikibazo cy'imvune ariko no kubona umwanya wo gukina muri uyu mwaka w’imikino byari byarabaye ikibazo bijyanye nuko Fall Ngagne yari yarwumufatanye.

Rayon Sports iri mu nzira zo gushaka undi rutahizamu uzayifasha mu mikino yo kwishyura ya shampiyona aho abayivugwamo barimo Umunya-Uganda Fahad Bayo.

Charles Bbale yatandukanye na Rayon Sports