Amakipe ane azitabira mu mikino ya Heroes Cup yamaze kumenyekana

Iyi mikino izaba hagati ya tariki ya 28 Mutarama na tariki 1 Gashyantare 2025, aho amakipe azahatanira kwegukana igikombe cy’Intwari gifitwe na Police Fc iheruka kugitwara.

Mu mwaka ushyize wa 2024, igikombe cy’Ubutwari cyatangiye ku itariki ya 28 Mutarama 2024. APR FC yageze ku mukino wa nyuma itsinze Musanze FC  kuri penaliti 4-3 naho Police FC igera mu mukino wa nyuma itsinze Rayon Sports, penaliti 4-3.

Mu mukino wa nyuma wabaye hagati ya Police FC na APR FC, Police FC yatsinze APR FC 2-1, igitego kimwe cya APR FC cyatsinzwe na Nshimirimana Yunusu, mu gihe ibitego bya Police FC byombi byatsinzwe na Peter Agblevor. Iyi ntsinzi yatumye Police FC ishimwa nk’ikipe yegukanye igikombe cy’Ubutwari cya 2024. Ikaba yarahawe miliyoni 6 z’amafaranga y’u Rwanda, naho APR FC yegukana miliyoni 3.

Ubu, abakunzi b’umupira w’amaguru baritegura kubona amakipe akomeye, Rayon Sports, APR FC, AS Kigali na Police FC ahatana muri Heroes Cup 2025, mu mikino izaba ikomeye kandi ishimishije.

Police Fc niyo iheruka kwegukana igikombe cy'Ubutwari ihigitse APR FC ku mukino wa nyuma