Ikibazo cy’amikoro n’imishahara ntarengwa muri FC Barcelona gikomeje kuba ingorabahizi nyuma y’uko ikipe yananiwe kubyaza umusaruro amahirwe ya kabiri yo kwandikisha umukinnyi w’ikipe y’igihugu ya Espagne, Dani Olmo.
Barcelona yari yaguze Olmo muri Kanama uyu
mwaka avuye muri RB Leipzig ku mafaranga agera kuri miliyoni 60 z’amayero.
Nubwo yakinnye neza mu gice cya mbere cya shampiyona ya La Liga, aho yatsinze
ibitego 6 mu mikino 15, ikibazo cy’umushahara we cyatumye La Liga yanga
kumwandikisha ngo akine mu gice cya kabiri cya shampiyona.
La Liga yatangaje ko icyemezo cyo
kutamwandikisha cyashingiye ku kuba Barcelona itarashoboye kuzuza ibisabwa ngo
yubahirize amategeko ya "Financial Fair Play". Nubwo Barcelona
yagerageje kwitabaza inkiko, urukiko rwa kabiri rwemeje ku wa Mbere ko
ubujurire bwabo budafite ishingiro.
Ikipe yakomeje gushaka igisubizo hari gahunda
yo kugurisha imyanya y’icyubahiro (VIP boxes) muri stade yabo nshya ya Camp
Nou, bikaba byari byitewzeho ko bishobora kwinjiza miliyoni 100 z’amayero. Gusa, iyi
gahunda nayo La Liga yayiteye utwatsi, ivuga ko nta nyandiko zihari zibyemeza.
Ibibazo bya Barcelona byerekana akaga
k’amakipe akomeye mu gihe cyose imikoranire yayo itajyanye n’amategeko
y’imikoreshereze y’amafaranga. Kugeza ubu Daniel Olmo yamaze kuba umukinnyi wigenga
kuburyo yajya mu ikipe iyo ariyo yose.
Dani Olmo wanyuze mu ishuri rya FC Barcelona akiri muto ariko agahita yerekeza muri Dinamo Zagreb afite imyaka 16, yahise agaruka mu ikipe nk’umukinnyi ukomeye.
Uyu mwaka wa shampiyona, yagaragaje ko
ari intwaro ikomeye mu gufasha ikipe ya Hansi Flick gukomeza guhangana ku
mwanya wa mbere muri La Liga, aho ubu irushwa amanota atatu na Atletico Madrid.
Mu gihe hagitegerejwe kureba ahazaza ha Dani
Olmo, hari amakuru avuga ko amakipe yo muri Premier League yaba ahanze amaso kuri uyu
mukinnyi.
Amikoro make yatumye FC Barcelona itakaza Dani Olmo aba umukinnyi wigenga
Eng
RSS 
TANGA IGITECYEREZO