Kylian Mbappé yavuze ku byo gukinana na Cristiano Ronaldo n'uko byari kugenda iyo aterekeza i Madrid

Kylian Mbappé ni umwe mu bakinnyi bamaze gukinana n'abakinnyi bakomeye mu mupira w'amaguru ku myaka micye. 

Muri Paris Saint-Germain yakinanye n'abarimo Lionel Messi, Neymar naho mu ikipe y'Igihugu akinana n'abarimo Antoine Griezmann ,Karim Benzema,Paul Pogba ndetse n'abandi.

Uyu mukinnyi aganira BeINsports, yavuze ko nubwo yakinanye nabo bose ariko iyo akinana na Cristiano Ronaldo byari kumushimisha.

Yagize ati " Byari kuba bishimishije gukinana na Cristiano Ronaldo,ubu biragoye cyane ariko nagize amahirwe yo gukina nawe, umunyabigwi wa siporo".

Kylian Mbappé yanavuze ko iyo aramuka aterekeje mu ikipe ya Real Madrid yari gukinira Paris Saint-Germain ubuzima bwe bwose .

Yagize ati "Nagiye mu ikipe ikomeye ku isi.Nahoraga mvuga ko ari yo kipe yonyine izatuma mva muri PSG. Iyo ntabasha kujya i Madrid, nari kuguma muri PSG ubuzima bwanjye bwose".

Yavuze ko kuri ubu inzozi ze muri Real Madrid ari ugutwara ibikombe n'ikipe atari ugutwara ibihembo ku giti cye .

Ati" Inzozi zanjye ubu ni ugutwara ibikombe hamwe n'ikipe yanjye, ntabwo ari ibihembo ku giti cyanjye. Igikombe nsigaje ni icya UEFA Champions League ariko ndi mu ikipe nziza ku Isi kubera cyo."

Kylian Mbappé yatangaje ibi nyuma y'uko aheruka gufasha Real Madrid kwegukana igikombe mpuzamigabane,kikaba ari igikombe cya Kabiri atwaranye nayo kuva yayigeramo mu mpeshyi y'uyu mwaka.

Kylian Mbappé avuga ko byari kumushimisha iyo akinana na Cristiano Ronaldo