Umugabo yatawe muri yombi akurikiranyweho ubwicanyi bw’abantu bane, barimo abapolisi babiri muri Hammarsdale (KwaZulu-Natal) mu burengerazuba bwa Durban muri Afurika y’Epfo. Biravugwa ko byarabereye mu muhango wo gushyingura umuntu n’ubundi wari warashwe n’uyu mugabo. Ibi byabaye ku mugoroba wo ku wa Gatandatu tariki ya 14 Ukuboza 2024.
Mu nkuru dukesha EastCoastRadio, Umuvugizi wa Polisi muri iyi Ntara, Jay Naicker, yagize ati "Abapolisi batatu bari bari mu iperereza ry’ubwicanyi bwakorewe umugore wabaga mu gace ka Cliffdale muri Hammarsdale. Mu gihe bari barimo gukurikirana aho icyaha cyabereye, bivugwa ko uwakoze icyaha yasubiye aho yakoreye icyaha maze akarasa abapolisi, aho babiri bahasize ubuzima, ariko ku bw’amahirwe umupolisi wa gatatu ntiyakomeretse''.
Yakomeje agira ati"Ukurukiranyweho ibyaha kandi yarasiye undi mugore
w'umukecuru aho icyaha cyabereye mbere yo guhunga, nawe akaba yahise ahasiga
ubuzima. Abo bapolisi babiri bari mu kigero cy’imyaka 50 bakorera kuri sitasiyo
ya Polisi ya Hammarsdale."
Ati"Nyuma twihutiye gutangaza ko uwo mugabo ari gushakishwa. Abapolisi bagiyeyo vuba maze bafata uyu mugabo w’imyaka 38 aho yarimo yivuriza mu bitaro,baramufunga, ubu abapolisi bari mu iperereza ryimbitse kuri iki kirego."
Eng
RSS 
TANGA IGITECYEREZO