Umuraperi w’umunya Nigeria yashimiye Victor Osimhen

Umuraperi w’icyamamare mu muziki w’Umunya Nigeria Raoul John Njeng-Njeng uzwi nka Skales, yashimiye cyane rutahizamu w’ikipe y’igihugu ya Nigeria n’ikipe ya Galatasaray, Victor Osimhen, ku bufasha yamuhaye mu rugendo rwe rwa muzika. 

Ibi byagaragaje uburyo abakinnyi b’umupira n’abahanzi bashobora gushyigikirana mu byerekezo byabo bitandukanye.

Skales yavuze ko Osimhen yamuhaye inkunga ikomeye, nubwo atigeze asobanura neza iby’iyo nkunga. 

Yagize ati: “Victor Osimhen ni umwe mu bakinnyi b’umupira w’amaguru bakomeye cyane muri Afurika kandi ari mu beza ku isi. Ndamushimira uburyo akomeje kungira inama n’uburyo ansindagiza mu rugendo rw’ubuhanzi.”

Yasabye abafana be ko bafata umwanya wo gushimira Osimhen ku bw’ubufasha bwiza yamuhaye, agaragaza ko iki gikorwa cy’uyu mukinnyi gikwiye kuba urugero rwiza rw’ubufatanye hagati y’abakora mu nzego zitandukanye, abakinnyi, abahinzi, abahanzi n’izindi.

Victor Osimhen, ukinira ikipe ya Galatasaray muri Turkey, ndetse akaba na rutahizamu w’ikipe y’igihugu ya Nigeria, azwiho ubuhanga buhebuje. Uretse kuba ashimwa mu kibuga, ibikorwa bye byo gushyigikira abandi byatangiye kumugira intangarugero mu buryo butandukanye.

Abakunzi b’umupira w’amaguru bakomeje kugenda bavuga ko Victor Osimhen ari intwari ya Afurika itanga icyizere, kandi Skales akamushimira ni ikindi kimenyetso cy’uko uyu mukinnyi akora byinshi birenze ibyo tubona mu kibuga.

Ibi bikorwa bya Osimhen byatumye abahanzi, abafana, ndetse n’abakunzi b’umupira w’amaguru bashimira cyane uru rugero rwiza rw’ubufatanye. Bishimangira ko n’ubwo impano ziba zitandukanye, guhuza imbaraga bishobora gusiga umurage mwiza mu buzima bw’abandi.

Skales yashimiye Victor Osmhen ku bwo kumufasha mu muziki we

Skales yahamije ko Victor Osmhen yashyize itafari ku muziki we