Ikibuga cy’indege gikuru cya Haiti cyongeye gufungurwa nyuma y’ukwezi kumwe gifunze

Iki kibuga cy’indege cyari cyafunzwe ku itariki ya 9 Ugushyingo 2024, ubwo abajura bakomezaga kugaba ibitero ku bice bitandukanye by’umujyi wa Port-au-Prince, aho hihutiwe guhagarika ibikorwa by’ubucuruzi ndetse n’imirimo y’indege.

Kuva icyo gihe, abantu benshi bari bamaze kugirwaho ingaruka n’ibikorwa by’ubujura ndetse na gahunda y’ingendo z’indege yahombeyemo byinshi. Inzego z’umutekano muri Haiti ndetse n’abayobozi b’igihugu basabye ubufasha bw’amahanga kugira ngo barwanye ikibazo cy’abantu bakomeza guhungabanya umutekano cyagiye cyiyongera. 

Kuba ikibuga cy’indege cya Port-au-Prince cyongeye gufungurwa nyuma y’uku kwezi, byitezweho kuzafasha gukomeza kuzahura ubukungu bw’igihugu, cyane ko Haiti yari imaze kubona izindi nzira z’ubufasha bw’ibyoherezwa hanze ndetse n’inkunga z’amahanga ku rwego rw’ubucuruzi n’ubukerarugendo. 

Iyi gahunda yo gufungura ikibuga cy’indege, byitezwe ko izafasha kandi kugabanya ibibazo by’ubucuruzi bwahuye n’ingaruka z’ibikorwa by’abajura, ndetse itange icyizere cyo kongera kubaka igihugu mu gihe kiri imbere. 

Abaturage benshi bo mu gihugu cya Haiti basabye ko leta yakomeza gushaka uburyo bwiza bwo kongera gushimangira umutekano mu gihugu, bityo bigatuma abaturage basubira mu buzima busanzwe.

Ikibuga cy'indege gikuru cya Haiti Toussaint Lovoirture cyongeye gufungurwa nyuma y'ukwezi cyari kimaze gifunze.

Umwanditsi: KUBWIMANA Solange