Burundi: Perezida Ndayishimiye yirukanye Minisitiri w’ubukungu

Mu iteka yasohoye, Ndayishimiye yashyizeho Nestor Nahontuye nk'umuyobozi mushya w’ibijyanye n’imari n’ubukungu, asimbura Audace Niyonzima. Ntahontuye yari umuyobozi w'akanama k’imari n’ubukungu mu Nteko Ishinga Amategeko y’u Burundi.

Nubwo impamvu zitatangajwe, kwirukanwa kwa Niyonzima Audace byaje nyuma y'uko ikigo cy’imisoro cyatangaje ko cyahombye amafaranga arenga miliyari 110 z'amafaranga y'u Burundi (agaciro ka miliyoni 37 z'amadolari) kubera ibura ry'amavuta ndetse n'ubuke bw’amafaranga y'amahanga mu gihugu.

Burundi, igihugu giherereye mu karere k’Amajyepfo y’uburasirazuba bwa Afurika, kimaze igihe gikora imihigo ikomeye mu bijyanye n’ibibazo birimo ubukene bukabije, igipimo cy’ubwiyongere bw’ibiciro, no kwishingikiriza ku mafaranga aturuka hanze. 

Guverinoma yiyemeje kuzamura ikigero cy’ubucuruzi, guhanga imirimo, no kugabanya umwenda w’igihugu. Kwirukanwa kwa minisitiri w’imari byaba byerekana impinduka mu buryo bwo gucunga amafaranga y’igihugu mu gihe Perezida Ndayishimiye akomeje guhangana n’imihigo yo kuzamura ubukungu bw’igihugu.

Iki cyemezo cyo kwirukana minisitiri w’imari cyateje impaka zitandukanye mu gihugu. Bamwe babona ko ari ngombwa kugirango habeho kunoza imikorere ya guverinoma, mu gihe abandi bafite impungenge ku ngaruka mu gihe guverinoma ikora kugira ngo ikemure ibibazo by’ubukungu.

Muri iki gihe, amaso yose ari ku buyobozi mu gihe buhanganye n’ibibazo by’ubukungu n’umutekano, hagamijwe kuzamura ubukungu no guhangana n’ingaruka zo kwiyongera kw’ibibazo by’imari mu Burundi.

Audace Niyonzima wirukanwe ku mwanya wa Minisitiri w'Ubukungu mu Burundi

Nestor Ntahonuye yagizwe Minisitiri mushya w'ubukungu mu Burundi

Umwanditsi: KUBWIMANA Solange