Ikipe ya Kiyovu Sports yagaruye umutoza wayo mukuru, Bipfubusa Joslin nyuma yuko yari imaze igihe yaramuhagaritse kubera umusaruro mucye yari afite ubwo yayitozaga.
Taliki ya 28 Ukwakira 2024, Kiyovu Sport yatangaje ko yahagaritse umutoza wayo mukuru, Bipfubusa Joslin imikino ine kubera umusaruro nkene isigara itozwa na Makick Wade usanzwe atoza ikipe y'abato akaba anavukana na Mohamed Wade watoje muri Rayon Sports.
Nubwo uyu mutoza yari yarahagatitswe imikino ine gusa byagiye bivugwa ko ashobora no kwirukanwa akaba yasimbuzwa abandi barimo na Mohamed Wade, none kuri ubu amakuru avuga ko Bipfubusa yamaze kugarurwa mu nshingano.
Uyu mutoza ukomoka mu Burundi iyo yirukanwa, Kiyovu Sport yagombaga kumwishyura Miliyoni 20 Frw bijyanye nuko akiyifitiye amasezerano ndetse ngo biri no mu byatumye iyi kipe itamwirukana kuko aya mafaranga ari menshi.
Bipfubusa Joslin agaruwe nyuma yuko iyi kipe yambara Icyatsi n'Umweru iheruka kunganya na Rutsiro FC mu mukino wo ku munsi wa 11 wa shampiyona. Kugeza ubu iri ku mwanya wa nyuma n'amanota 7 ikaba izasubira mu kibuga ku Cyumweru ikina na Musanze FC.
Kiyovu Sports yagaruye Bipfubusa Joslin
Eng
RSS 
TANGA IGITECYEREZO