Nyuma y'uko umuraperi Drake yitabaje inkiko arega kompanyi zacuruje cyane indirimbo ya Kendrick Lamar yitwa 'Not Like Us' yamwibasiyemo, ubu kompanyi ya Universal Music Group (UMG), yamaze gutera utwatsi iki kirego.
Kompamyi y'umuziki ya Universal Music Group (UMG) yahakanye ibirego ishinjwa na Drake wavuze ko bafatanyije na Spotify bahimbye imibare y'abantu bumvishe indirimbo 'Not Like Us' ya Kendrick Lamar bagambiriye kumusebya.
UMG itangaza ko bamaganye ibirego bya Drake, kuko bemeza ko ibyo bakoze nta mategeko bishe kandi ko bakoze ibintu nk'abanyamwuga ahubwo ko ibyo uyu muraperi atangaza ari ibinyoma.
Mu nyandiko basohoye yateweho akajijo na Billboard, bavuze ko batajya bakora amanyanga mu kuzamura abantu barebye indirimbo, bemeza ko uburyo bamamazamo ibintu byabo ari uburyo bw'umwuga.
Nyamara rero, aba baraperi bombi Kendrick Lamar na Drake, iyi sosiyeti ishinzwe kubacururiza ibihangano byabo. UMG yavuze kandi ko 'ntamafaranga cyangwa inyushyi ihari ku isi yahatiriza abafana kumva indirimbo badashaka'.
Ku wa Mbere tariki 25 Ugushyingo 2024, nibwo Drake n'umunyamategeko we batanze ikirego mu rukiko rwisumbuye rwa Manhattan ruherereye i New York barega Spotify na UMG.
Drake avuga ko bahimbye imibare y'abumvishe bakanakunda iyi ndirimbo 'Not Like Us' bagamije kumusebya.
Muri dosiye bahaye urukiko, bavuze ko izi mbuga zifashishije amarobo bongera imibare y'imihimbano igaragaza ko iyi ndirimbo yumvishwe, ikanakundwa ku rwego rudasanzwe nyamara urwo rukundo rutarabayeho.
Yavuze ko kandi bishyuye Radiyo zitandukanye n'abacuruza indirimbo (Disc burners) mu buryo butemewe kugira ngo bakine iyi ndirimbo cyane, barusheho kumusebya muri rubanda.
Yakomeje avuga ko kandi bagiye bakoresha ubundi buryo bw'amanyanga byose bigamiie kumuharabika no kumwangisha rubanda bifashishije iyi ndirimbo.
Eng
RSS 
TANGA IGITECYEREZO