Dushimimana wari Guverineri w’Uburengerazuba yatakambiye Perezida Kagame

Mu itangazo ryagiye hanze ku mugoroba w'uyu wa Gatandatu tariki 23 Ugushyingo 2024. Jean Bosco Ntibitura wagizwe Guverineri w'Intara y'Iburengerazuba, yasimbuye Dushimimana Lambert wayoboraga iyi Ntara kuva mu kwezi kwa Nzeri mu 2023.

Nyuma y'uko asimbujwe, Dushimimana yafashe umwanya ashimira Perezida Kagame wamuhaye amahirwe yo gutanga umusanzu mu miyoborere y'Igihugu mu myanya ikomeye itandukanye, yizeza gukomeza gukorera u Rwanda.

Abiishije kuri X, ubwo yasabaga imbabazi yagize ati: “Ndabashimiye Nyakubahwa Perezida wa Republika, Paul Kagame ku mahirwe mwampaye yo gutanga umusanzu mu miyoborere y'Igihugu. Ndasaba imbabazi mbikuye ku mutima z'aho nitwaye binyuranyije n'indangagaciro z'Umuryango FPR Inkotanyi. Ndabizeza kutazahwema gukomeza gukorera u Rwanda.”

Raporo ngarukamwaka y’Urwego rw’Igihugu rw’Imiyoborere RGB, ku ishusho y’uko abaturage babona imiyoborere n’imitangire ya serivisi yasohotse mu Ugushyingo uyu mwaka, igaragaje ko uturere dutandatu muri turindwi tugize Intara y’Uburengerazuba twasubiye inyuma mu miyoborere n’imitangire ya serivisi mu 2024.