Ahabanza Imikino

Basketball: Mugabe Aristide yasezeranye imbere y’amategeko n’umukunzi we Ndahiro Nadine -VIDEO

Yanditswe na: ISHIMWE Walter
Taliki:21/11/2024 17:37 0

Mugabe Aristide wamamaye mu ikipe y'igihigu y'u Rwanda ya Basketball no mu makipe atandukanye ya hano mu Rwanda, yasezeranye imbere y’amategeko n'umukunzi we Ndahiro Nadine.

Kuri uyu wa Kane itariki 21 Ugushyingo 2024, Mugabe Aristide, umwe mu bakinnyi b’amateka muri Basketball y’u Rwanda yasezeranye imbere y’amategeko n’umukunzi we Ndahiro Nadine.

Uyu mukinnyi wamenyekanye mu makipe atandukanye muri shampiyona y’u Rwanda ya Basketball ndetse akaba yarigeze kuba kapiteni w’Ikipe y’igihugu igihe kitari gito, yafashe uyu mwanzuro ukomeye mu buzima bwe bwite, ashimangira urukundo rwe na Nadine.

Mugabe Aristide yamamaye imyaka umunani mu ikipe ya Patriots BBC, nyuma aza yerekeza muri Kepler BBC nk’umukinnyi n’Umutoza wungirije, gusa mbere y’uko ager muri ayo makipe yombi yananyuze muri rusizi na Espoir BBC.

Mugabe Aristide wafashe umwanzuro wo gusezerana imbere y’amategeko, Ubukwe nyir'izina bwo gusezerana imbere y’Imana buteganyijwe kuri uyu wa Gatandatu, tariki 23 Ugushyingo 2024.

Mugabe Aristide wavukiye mu karere ka Huye ku itariki 11 Gashyantare 1988, uretse gukina umukino wa Basketball yakunze kugaragaza ko yihebeye umuziki ku buryo butangaje.