Mu gihe Donald Trump aherutse gutsinda amatora bwa Kabiri akaba ndetse ari mu nzira zimusubiza muri 'White House', byatangajwe ko umugore we Melania Trump atifuza gusubira kuba muri iyi nzu yagenewe umuryango wa Perezida wa Leta Zunze Ubumwe za Amerika.
Ni amakuru akomeje gucicikana mu binyamakuru byo muri Amerika, agaruka ku muryango wa Donald Trump witegura kurahirira kuba Perezida wa 47 w'iki gihugu. Mu Cyumweru gishize nibwo byatangajwe ko umukobwa we, Ivanka Trump ukunze kumuba hafi yamaze guhakana ko atazongera kuba muri White House nk'uko byagenze bwa mbere Trump aba Perezida.
CNN yamaze gutangaza ko ibi bitagarukiye kuri Ivanka Trump gusa ahubwo ko na nyina Melania Trump adakozwa kongera kuba muri iyi nyubako ya mbere irinzwe muri Amerika.
Amakuru CNN ivuga ko yizewe aturuka hafi ya Melania, avuga ko atari afite muri gahunda kongera kuba 'First Lady' byongeye kandi ngo afite ibikorwa bye ahugiyemo bituma azenguruka ibindi bihugu bityo gutura muri White House akaba atabishaka.
Aya makuru kandi akomeza avuga ko nubwo Melania Trump atifuza kongera kuba muri White House, ngo ntanifuza kugira aho ahurira cyane n'ibikorwa by'umugabo we bya politiki ari nayo mpamvu atagikunze kugaragara amuherekeje mu bikorwa binyuranye.
Fox News yo yatangaje ko kuba Melania Trump adashaka gusubira muri White House, bisa nk'ibishimangira amakuru avuga ko atabanye neza n'umugabo we nubwo ntakibyemeza gihari.
Agatotsi mu mubano wa Donald na Melania katangiye kuvugwa mu bikorwa byo kwiyamamaza ubwo nta na rimwe yigeze amuherekeza kuva yatangira kwiyamamaza kugeza abisoje. Bitandukanye no mu 2016 ubwo Melania yagendaga inyuma ya Trump ahantu hose yiyamamarizaga.
Melania Trump ntashaka gusubira kuba muri 'White House' nyuma y'uko umugabo we atorewe kongera kuba Perezida
Iki cyemezo cya Melania kiri guhuzwa n'ibimaze iminsi bivugwa ko yaba atabanye neza na Trump
Eng
RSS 
TANGA IGITECYEREZO