Ikipe ya APR yatsinze KVC, Kepler itsinda RP Ngoma naho Gisagara itsindwa na Police mu mikino yo ku munsi wa gatatu wa shampiyona ya Volleyball.
Kuri iki Cyumweru taliki ya 17 Ugushyingo 2024 ni bwo muri Gymnasium y'Akarere ka Gisagara n'iya Kaminuza y'u Rwanda, Ishami rya Huye, hakomereje imikino yo ku munsi wa gatatu wa shampiyona mu bagabo no mu bagore.
Mu bagore Saa yine zuzuye muri Gymnasium ya Kaminuza y'u Rwanda, Ishami rya Huye, ikipe ya Kepler yakinaga na RP Huye. Nk'uko byari byitezwe ni umukino warangiye ikipe ya Kepler iwutsinze mu buryo bworoshye amaseti 3-0 (25-5, 25-13, 25-17).
Kuri izi saha kandi muri Gymnasium y'Akarere ka Gisagara naho ikipe ya EAUR yatsindwaga na Wisdom amaseti 3-0 (24-26, 24-26, 19-25).
Saa Sita muri Gymnasium ha Kaminuza y'u Rwanda, Ishami rya Huye, ikipe ya APR yakinnye na Ruhango. Ni umukino warangiye APR itsinze Ruhango yayisuzuguye amaseti 3-0(25-12,25-13,25-9).
Mu bagabo ho imikino yose yakinwe kuri Gymnasium y'Akarere ka Gisagara guhera saa Sita. Umukino wabimburuye indi ni uwo ikipe ya KVC yakinagamo na APR. Warangiye ikipe y'Ingabo z'igihugu itsinze KVC amaseti 3-0(25-19, 25-18, 25-16).
Saa munani zuzuye ikipe ya RP Ngoma na Kepler nizo zahise zijya mu kibuga. Uyu mukino warangiye ikipe ya Kepler yaherukaga gutsindwa na APR ariyo yegukanye intsinzi ku maseti 3-0(25-19, 25-18, 25-26).
Umukino wari utegerejwe na benshi wakinwe saa Kumi zuzuye aho ikipe ya Gisagara yaherukaga gutsinda KVC, ikaba yari imbere y'abafana bayo yatsinzwe na Police. Ikipe ya Police yayitsinze mu buryo butayigoye cyane amaseti 3-0 (25-19, 25-16, 26-24).
Eng
RSS 
TANGA IGITECYEREZO