NBA: Golden State Warriors bacyeje Stephen Curry nyuma yo gutsindwa na Cleveland Caliers

Mu gihe Stephen Curry akomeje kwigaragaza nk'umukinnyi udasanzwe mu mateka ya NBA, umwihariko we ntushingiye gusa ku bushobozi afite bwo gutsinda amanota ya kure cyangwa ibikombe byinshi amaze kwegukana. Ahubwo, abakunzi ba Basketball ndetse n’abakinnyi bagenzi be, by’umwihariko Moses Moody, bamubonamo urugero rwiza mu myitwarire ye irangwa no gukoresha ukuri no kwicisha bugufi.

Mu kiganiro n’itangazamakuru, Moody yatangaje ko kimwe mu bintu bituma yubaha Curry ari ukuntu ari umunyakuri. Moody  Moses yagize ati: “Icyo nkunda kuri Steph ni uko ari umunyakuri, igihe adafite igisubizo ku kibazo, yivugira ati 'Oya, simbizi.' Nyuma y'aho, aragerageza agashakisha igisubizo maze akagaruka agusubiza.

Umuyobozi mwiza agira uruhare mu kuzamura iterambere rye, kandi ni byo Curry akora ku rwego rwa buri munsi muri Golden State Warriors. Akazi ke ntikarangirira ku gutsinda amanota atatu cyangwa kubaka ibigwi nka MVP inshuro nyinshi, ahubwo ari kubaka umuco mwiza mu ikipe, aho buri mukinnyi yumva afite agaciro kandi afite ijambo”.

Uburyo Curry afasha ikipe ye atanga urugero rwiza rw'ubupfura, ukuri no kwiyemeza gukomeza kuba mwiza uko bwije n'uko bukeye, ni ibintu bikurura abakunzi be mu kibuga ndetse no hanze yacyo. 

N’ubwo aba mu bakinnyi ba NBA bafite ibigwi byinshi, kuba umuntu ushimangira indangagaciro za kimuntu, kwiyoroshya no kubaha buri wese, ni ibintu bituma ahabwa icyubahiro kitazibagirana.

N’ubwo abakinnyi ba Golden State Wariors bari gushimagiza imyitwarire ye yo hanze y’ikibiga, mu gitondo cyo kuri uyu wa Gatandatu byari bikiri ku wa Gatanu mu masaha yo muri Leta Zunze Ubumwe za Amerika, ikipe ya Golden State Warriors ntabwo yahiriwemo n’umukino yakinagamo na Cleveland Cavaliers kuko Cavalires yatsinze Warriors amanota 136 ku 117.

Cleveland Cavaliers yatsinze Golden State Warriors

Moondy Moses yashimagije imyitwarire ya Stephen Curry yo hanze y'ikibuga