Roy Jones Jr. wabaye icyamamare mu iteramakofe yagarutse ku mukino uzahuza Jake Paul na Mike Tyson

Roy Jones Jr., umwe mu bakinnyi babashije kwegukana ibikombe mu byiciro bitandukanye mu iteramakofe, yatanze igitekerezo cye ku gishobora kuva mu mukino w’iteramakofe utegerejwe na benshi.

Nk'uko byatangajwe na Izquierdazo.com, Roy Jones Jr. yavuze ku mbaraga zidasanzwe za Tyson. Yagize ati: “Mike aracyafite imbaraga n’umuvuduko bidasanzwe, nubwo afite imyaka 58. 

Ashobora gufata Paul akamukubita hasi igihe icyo ari cyo cyose. Mike ni umuntu udapfa gushirwa hasi kandi ufite uburyo butungurana bwo gukina, n’ubwo atakiri muto.”

Yakomeje agira ati: “Niba Tyson abona ko afite imbaraga zihagije zo kurangiza umukino, ashobora no gutsinda ku manota, akagera ku musozo w’imirwano yose.”

Uyu mukino uzaba ari uwa mbere kuri Tyson kuva muri 2005 kuko yari yarabiretse yiyemeza kugaruka aje guhasha Jake Paul wari umaze igihe yidoga, mu gihe Jake Paul, umu-YouTuber w’imyaka 27, amaze kugira imikino 11 yatsinzemo incuro 10, atsindwa rimwe.

Mu minsi ishize, amashusho yerekanye Tyson akora imyitozo yagaragaje ko umuvuduko n’imbaraga ze zikiri ku rwego rwo hejuru, ibintu bikwiye guhangayikisha Jake Paul mu gihe umukino wegereje ku wa Gatandatu tariki ya 15 Ugushyingo.

Uyu mukino wemejwe n’Ishyirahamwe ry’Iteramakofe muri Texas, uzaba ugizwe n’ibiruhuko umunani, buri kimwe kizamara iminota ibiri, kandi bazakoresha utwenda dufite ibiro 14 aho kuba ibiro 10, mu rwego rwo kurinda abakinnyi bombi ku rwego rwo hejuru.

Roy Joses Jr yashimangiye ko Mike Tyson azatsinda Jake Paul

Kuwa 15 Ugushyingo Jake Paul ategerejwe ku kibuga cy'imirwano na Mike Tyson i Texas