Ruben Amorim ugiye gutoza Man United yahaye ubutumwa bukomeye Man City

Mu ijoro ryo kuri uyu wa Kabiri itariki 5 Ugushyingo 2024 ku Mugabane w'Iburayi icyari kigezweho ni imikino ya UEFA Champions League yakomezaga ku munsi wa Kane mu mikino y'amatsinda aho isigaye ikinwa nka shampiyona nyuma n'amavugurura mashya yabaye mu marushanwa yo ku Mugabane w'u Burayi.

Mu mikino yakinwe kuri uyu wa Kabiri harimo uwahuje Manchester Cuty itozwa na Pep Gualdiola na Sporting Lisbon itozwa na Ruben Amorim. Aba batoza bombi bahuye bazi neza ko mu minsi iri imbere umwe azaba ari muri Manchester City undi ari gutoza Manchester United, amakipe y'amakeba akomeye abarizwa mu gace ka Manchester mu Bwongereza.

Muri uyu mukino, Ruben Amorim yeretse Pep Gualdiola ko amazi atari ya yandi ko nagera muri Manchester United azahangana na Manchester City byeruye, kuko yayitsinze ibitego 4-1 ari gutoza Sporting Lisbon idafite abakinnyi bakanganye nk'aba Manchester United, benshi batangira kwibaza uko bizaba bimeze natangira gutoza ba bakinnyi b'ibihanyaswa ba Man United. 

Umunya Suwede, Victor Gyokres niwe wafashije Ruben Amorim gutanga ubutumwa kuri Manchester City, kuko muri uyu mukino Sporting yatsinzemo ibitego bine kuri kimwe yatsinzemo ibitego bitatu, naho Maximilliano Alaujo atsinda igitego cya Kane. Igitego kimwe cya Manchester City cyo cyatsinzwe na Philip Foden Walter ku munota wa Kane w'umukino.

Ruben Amorim yatangajwe ko ariwe uzaba umutoza wa Manchester United nyuma y'uko iyi kipe ifite ibikombe byishi bya shampiyona mu Bwongereza yari imaze gutandukana n'uwayitozaga ukomoka mu Buholandi, Eric Ten Hag.

Biteganyijwe ko ku itariki 11 Ugushyingo Ruben Amorim aribwo azatangira akazi gashya ko gutoza Manchester United, gusa we yari yasabye ikipe ko yaba ikomeje gutozwa na Ruud Van Neistolrey ubundi we akaba hari ibyo aba amenyereza abakinnyi maze inshingano ze akazazitangirana n'umwaka utaha w'imikino.

Manchester City yatinzwe na Sporting Lisbon ibitego bine kuri kimwe nuko Ruben Amorim ayiha ubutumwa

Victor Gyokress niwe watsinze ibitego bitatu mu bitego bine Sporting yatsinze Man City

Amorim yatanze ubutumwa muri Mnachester City

Pep Gualdiola yakuye ubutumwa bukomeye muri Portugal