Nigeria na Kenya mu bihugu byanduye cyane muri Afurika

Nubwo umwanda ukunze kureberwa mu ngaruka ugira ku buzima bwa muntu no ku bidukikije, ariko kimwe mu bibangamiye ubukungu bw'ibihugu byinshi ku Mugabane wa Afurika by'umwihariko, kuko uko umuvuduko w'ubukungu bw'uyu mugabane urushaho kwihuta ni nako ibiciro by'ahashyirwa imyanda bigenda bizamuka.

Ibi bibazo by'ubwiyongere bw'imyanda imenwa hirya no hino muri Afurika, bigira ingaruka zikomeye ku buzima rusange bw'abaturage, bityo n'ubukungu bw'ibihugu n'ubw'umugabane bukahatikirira.

Muri ibi bihugu binyuranye byo muri Afurika, usanga uko imyanda yiyongera ari nako indwara zifata mu myanya y'ubuhumekero ndetse n'izindi zirushaho kwiyongera. Birumvikana cyane ko bihita bishyira umutwaro ukomeye ku bukungu muri gahunda zita ku buzima.

Bitewe n'uko ibihugu byinshi bya Afurika usanga bihura n'ibibazo by'imihindagurikire y'ikirere, imyanda myinshi igira ingaruka ku buhinzi, amazi n'urusobe rw'ibinyabuzima.

Hashingiwe ku mibare yatangajwe n'urubuga Numbeo rwateguye urutonde rw'ibihugu byanduye cyane ku Isi, Nigeria niyo igaragaramo umwanda mwinshi muri Afurika, aho iza ku mwanya wa kabiri mu kugira umwanda ku mubumbe.

Dore ibihugu 5 byanduye cyane muri Afurika mu 2024: