Carlo Ancheloti utoza ikipe ya Real Madrid yatangaje ko nta gikuba cyacitse kuko ubwo baheruka gutsindwa na FC Barcelona begukanye igikombe cya UEFA Champions League ndetse na shampiyona ya Espagne icyarimwe.
Kuri uyu Wa Gatandatu tariki 27 Ukwakira 2024 Saa Tatu z'ijoro kuri Santiago Bernabeu nibwo hakinwaga umukino wari utegerejwe na benshi, ikipe ya Real Madrid yari yakiyemo FC Barcelona mu mukino wo ku munsi wa 11 wa shampiyona y'icyiciro cyambere muri Espagne.
Uyu mukino warangiye FCB Barcelona inyagiye Real Madrid ibitego 4-0 byatsinzwe na Roberto Lewandowski ku munota wa 54 na 56, Lamine Yamal ku wa 77 ndetse na Raphinha ku wa 84.
Nyuma y'uyu mukino umutoza wa Real Madrid, Carlo Ancelotti yavuze ko ibintu byose bakoreye muri uyu mukino bidakwiye kuteshwa agaciro, anavuga ko mu mwaka ushize batsinzwe na FC Barcelona ibitego 4-0 ariko n'ubundi bikarangira begukanye igikombe cya shampiyona na UEFA Champions League.
Ati" Ntabwo tugomba guta ibintu byose mu myanda, tugomba kwibagirwa iminota 30 ishize . Umukino, kugeza ku gitego cya mbere, wari mwiza cyane kandi twagize amahirwe menshi.
Ubushize twatsinzwe na FC Barcelona ibitego 4-0 hano na Barca maze dutwara UEFA Champions League na shampiyona . Ntabwo turi kure y'umwaka w'imikino uheruka".
Yavuze bari babizi ko FC Barcelona iri bujye ikoresha imipira miremire mbere yo gutsinda ibitego ariko batabibyaje umusaruro ndetse anavuga ko Kylian Mbappé yagiye abona amahirwe gusa akaba yabaga yaraririye.
Ati" Byari bizwi ko bari bukoreshe imipira miremire ariko ntabwo twigeze tubibyaza umusaruro . Kylian Mbappé yagiye abona amahirwe ariko rimwe na rimwe yabaga yarariye".
Carlo Ancelotti yavuze ko aticuza uburyo yari yakoresheje kuri uyu mukino ndetse avuga ko ari igihe kitoroshye gutsindwa wari umaze igihe kinini udatsindwa.
Ati" Ariko twagize amahirwe atatu cyangwa ane aho twari dukeneye ntsinzi. Ntabwo nicuza uburyo twakoresheje. Twagize amahirwe.
Ni igihe kitoroshye nk'uko bisanzwe iyo utsinzwe. Kandi birenzeho iyo ubikoze nyuma y'imikino myinshi udatsindwa".
Abajijwe uko byari bigenze ubwo yagaraga ameze nk'uterana amagambo na mugenzi we Hansi Flick, yavuze ko nta kibazo yagiranye nawe
Ati" Hansi Flick nta kibazo nagiranye nawe ariko umwe mu bamwungirije ntabwo yitwaye nk'umuntu w'umugabo mu kwishimira intsinzi. Ibyo nabwiye ko Flick arabyemera”.
Nyuma y'uko Real Madrid itsinzwe yahise irushanwa amanota 6 na FC Barcelona iri ku mwanya wa mbere.
Eng
RSS 
TANGA IGITECYEREZO