Rayon Sports yaguye miswi na Police FC mu mukino wa gicuti-AMAFOTO

Uyu mukino waruteganyijwe gukinwa saa kumi nebyiri n'iminota 30 watangiye utinzehp nyuma yuko muri Stade harimo harakinirwa umukino w'abakozi wari wahuje Rwanda Air na Migration.

Amakipe yombi yaje muri uyu mukino yakoze impinduka mu kibuga bijyanye nuko hari bamwe mu bakinnyi bayo bari mu ikipe y'Igihugu y'u Rwanda, Amavubi.

Ikipe ya Police FC niyo yafunguye amazamu mbere ku gitego cyari gitsinzwe na rutahizamu Peter Agbrevol ku ishoti yarerukuye Khadime Ndiaye agiye kurifata rinyura mu nsi y'urubavu.

Mu give cya kabiri ikipe ya Rayon Sports yaje ishaka uko yakwishyura ndetse ikarema n'uburyo binyuze ku bakinnyi bayo bakinaga basatira nka Fall Ngagne na Aziz Bassane.

Iyi kipe yambara Ubururu n'Umweru yaje ku kibona gitsinzwe na Aziz Bassane nyuma yo gucenga ba myugariro ba Police FC akabona kurekura ishoti.

Nyuma yaho Murera yaje no kubona penariti ku ikosa ryari rikorewe kuru Fall Ngagne ari mu rubuga rw'amahina ariko itewe na Ishimwe Fiston umupira ukubita igiti cy'izamu uvamo.

Umukino warangiye amakipe yombi anganyije igitego 1-1. Rayon Sports na Police FC zahisemo gukina umukino wa gicuti bitewe nuko zo zidafite imikino ya shampiyona muri izi mpera z'icyumweru.

Abakinnyi 11 ba Rayon Sports babanje mu kibuga 

Abakinnyi 11 ba Police FC babanje mu kibuga 

Mashami Vincent asubuzanya na Robertinho mbere y'umukino 

Aziz Bassane n'abagenzi be bishimira igitego yatsinze 

Peter Agbrevol yishimira igitego yatsinze Rayon Sports 

Umukino warangiye amakipe yombi anganya igitego 1-1

AMAFOTO: Ngabo Serge-InyaRwanda