Mugisha Gilbert yasezeranye imbere y'amategeko n'umukunzi we

Ni mu muhango wa baye kuri uyu wa Kane tariki ya 24 Ukwakira 2024 ubera mu Murenge wa Kinyinya mu Karere ka Gasabo.

Aba bombi basezeranye imbere y'amategeko bagaragiwe n'inshuti n'abandimwe nyuma y'uko tariki ya 30 z'ukwezi gushize aribwo hasakaye ifoto ya Mugisha Gilbert asaba Mpinganzima ko yazamubera umugore nawe akabyemera ubundi akamwambika impeta.

Ibi byabaye mu gihe ikipe y'igihugu y'u Rwanda, Amavubi ikomeje kwitegura umukino w'ijonjora rya mbere ryo gushaka itike y’Igikombe cya Afurika cy’abakina imbere mu bihugu byabo (CHAN 2024) izakinamo na Djibouti kuri iki Cyumweru tariki ya 25 Ukwakira 2024 Saa Cyenda.

Ubwo bivuze ko nyuma y'uyu muhango n'ubundi arasanga bagenzi be mu ikipe y'Igihugu bagakomezanya kwitegurana uyu mukino.

Aba bombi bamaze imyaka irenga 3 bakundana ariko bakaba baziranye kuva kera agikina muri Rayon Sports.Amakuru avuga ko uyu mukunzi yimutse atakiba mu Rwanda ahubwo asigaye yibera muri Canada. 

Mugisha Gilbert yasezeranye n'umukunzi we imbere y'amategeko 

Mugisha Gilbert na Mpinganzima bemeranyije kubana akaramata 

Umukunzi wa Mugisha Gilbert