Bagira igikundiro cyinshi! Igisobanuro n’imiterere y’abitwa ba Fiacre

Fiacre ni izina ry’abahungu ryakomotse kuri mutagatifu Fiacre wo mu kinyejana cya 7, umunya-Irlande wihaye Imana wari uzwiho gukiza indwara. Yari azwiho ibikorwa bijyanye no kubaka no kwita ku busitani bw’imboga n’imiti, ibyamuhesheje izina ry'umutagatifu wera w'abakora mu busitani.

Risobanura “Umwami w’intambara.”

Bimwe mu biranga abitwa ba Fiacre:

Ba Fiacre bakunze kurangwa no kubasha gukemura ibibazo, bubahiriza inshingano bashinzwe, bakunda imiryango yabo, bakora ibintu byose kuri gahunda kandi barasesengura cyane.

Mu buzima busanzwe, Fiacre ntagira ingeso yo gusesagura cyane.

Barizerwa byoroshye bityo bagahabwa inshingano zikomeye.

Kubera igikundiro baremanwe, biraborohera guhindura no kuyobora abandi.

Uko kuntu bateye rimwe na rimwe bituma bumva ko barenze abantu bose.

Bariyemeza, bagahorana icyizere kandi bagakunda kwigenga. 

Bagira impano zinyuranye kandi bakamenya no kuzigaragaza.

Bagira amarangamutima menshi ndetse bagakunda gufasha abandi.

Bakorana ingoga kugira ngo basoze ibyo biyemeje gukora.

Bamwe muri ba Fiacre bazwi:

Fiacre Ntwali: Umuzamu w'Ikipe y'Igihugu y'u Rwanda, Amavubi.

Fiacre Kelleher: Umukinnyi w'umupira w'amaguru w'umunya-Irlande wabigize umwuga.