Ikipe y'igihugu y'u Bwongereza yataye ibaba itsindwa n'Ubugereki naho u Bufaransa bunyagira Israel mu mikino ya UEFA Nations League mu gihe Brazil yo yatsinze Chile mu gushaka itike y'igikombe cy'Isi cya 2026.
Ni mu mikino yakinwe kuri uyu wa Kane taliki ya 10 Ukwakira 2024 no mu rukerera rwo kuri uyu wa Gatanu taliki ya 11 Ukwakira 2024.
Ejo Saa mbili n'iminota 45 ikipe y'igihugu y'u Bwongereza yari yakiriye iy'u Bugereki bari kumwe mu itsinda rya kabiri muri League B mu mikino ya UEFA Nations League kuri Wembley Stadium.
Uyu mukino warangiye ikipe y'igihugu y'u Bwongereza itsinzwe ibitego bibiri bya Pavildis ku munota wa 49 nuwa 90+4 kuri kimwe cya Jude Bellingham ku munota 87 ku mupira yahawe na Ollie Watkins.
Kuri izi saha ikipe y'igihugu ya Israel yari yakiriye iy'u Bufaransa bari kumwe mu itsinda rya kabiri muri League A kuri Bozsik. Uyu mukino warangiye u Bufaransa bunyagiye Israel ibitego 4-1.
Ni ibitego byatsinzwe na Camavinga ku munota wa 6, Christopher Nkunku ku munota wa 28, Guendouzi ku munota wa 87 na Barcola ku munota wa 89 mu gihe igiteko kimwe (1) cya Israel cyatsinzwe na Gandelman.
Ikipe y'igihugu y'u Butaliyani kandi yari yakiriye u Bubiligi bari kumwe mu itsinda rya kabiri muri League A kuri Stadio Olimpico. Uyu mukino warangiye amakipe yombi anganya ibitego 2-2.
Ni ibitego byatsinzwe na Cambiaso ku munota wa mbere na Retegui ku munota wa 24 ku ruhande rw'u Butaliyani mu gihe ibitego by'u Bubiligi byo byatsinzwe na De Cuyper ku munota wa 42 na Leandro Trossard ku munota wa 61.
Kugeza ubu muri iri tsinda u Butaliyani buri ku mwanya wa mbere n'amanota 7, u Bufaransa bukaba ku mwanya wa 2 n'amanota 6, u Bubiligi bukaba ku mwanya wa 3 n'amanota 4 mu gihe Israel yo iri ku mwanya wa nyuma n'amanota 0.
Indi mikino yabaga mu itsinda rya kabiri muri League B, Finland yatsinzwe na Ireland ibitego 2-1. Kugeza ubu muri iri tsinda U Bugereki buri ku mwanya wa mbere n'amanota 9, u Bwongereza bukaba ku mwanya wa 2 n'amanota 6, Ireland ikaba ku mwanya wa 3 n'amanota 3 naho Finland idafite inota ikaba ku mwanya wa nyuma.
Mu itsinda rya 3 muri League B, Australia yatsinze Kazakhstan ibitego 4-0 naho Norway itsinda Slovenia ibitego 3-0. Mu itsinda rya 4 League C Latvia yatsinzwe na Macedonia y'Amajyaruguru mu gihe ibitego 3-0 mu gihe Faroe Islands yanganyije na Armenia ibitego 2-2. Mu itsinda rya mbere muri League D ikipe y'igihugu ya Gibraltar yatsinze San Marino igitego 1-0.
Mu itsinda rya 2 muri League D Moldova yatsindaga Andorra ibitego 2-0.
Usibye imikino ya Nations League Kandi mu rukerera rwo kuri Uyu Wa Gatanu muri Amerika y'Epfo hakinwaga imikino yo gushaka itike y'igikombe cy'Isi cya 2026 aho ikipe y'igihugu ya Brazil yatsinze iya Chile ibitego 2-1.
Ni ibitego byatsinzwe na Igor Jesus ku munota wa 45+1 na Luiz Henrique ku munota wa 89 ku ruhande rwa Brazil mu gihe igitego kimwe (1) cya Chile cyo cyatsinzwe na Vargas ku munota wa 2
Imwe mu mikino iteganyijwe kuri uyu munsi muri Nations League, mu itsinda rya 3 muri League A Bosnia and Herzegovina irakina n'u Budage naho Hungary ikine n'u Buhorandi.
U Bufaransa bwanyagiye Israel ibitego 4-1
Eng
RSS 
TANGA IGITECYEREZO