Kuri uyu wa Gatanu, APR W BBC iratangira kwesurana na REG W BBC mu mikino ya nyuma ya betPawa Playoffs muri Shampiyona y'u Rwanda ya Basketball mu bagore.
Ni ku nshuro ya 3 aya makipe yombi agiye guhurira ku mukino wa nyuma. Mu nshuro 2 bahuye mu 2022 na 2023.
Mu 2022, REG WBBC yatwaye igikombe itsinze APR. Mu mwaka wakurikiyeho 2023, APR WBBC igitwara nayo itsinze REG WBBC.
Umutoza wungirije wa REG WBBC, Mukaneza Esperance ni ku nshuro ya 4 azaba agaragaye muri iyi mikino ya nyuma ya Playoffs, aho mu nshuro 3 ziheruka yari umutoza mukuru wa REG WBBC mu 2021, 2022 na 2023. Muri izo nshuro yatwayemo ibikombe 2.
Umutoza wungirije wa REG WBBC, Mukaneza Esperance, kandi afite agahigo ko kuba yaratwaye ibikombe 2 bya shampiyona nk'umutoza wa REG WBBC -2021 na 2022 ndetse akabikora nk'umukinnyi mu makipe atandukanye yakiniye arimo; Ubumwe WBBC 2013 na 2014, Etoiles ndetse UR/UNR.
Sifa Ineza, uheruka gusinyira APR W BBC , ni ku nshuro ya 3 agiye gukina imikino ya nyuma ya Playoffs. Mu nshuro 2 aheruka, yari kumwe na The Hoops, batsindiwe ku mukino wa nyuma na APR WBBC mu 2019 ndetse bongera gutsindwa na REG WBBC mu 2021. Muri izo nshuro, ntabwo yigeze abasha gutwara igikombe cya shampiyona.
Kantore Sandra uzwi cyane nka Dumi ukinira APR WBBC agiye gukina imikino ya nyuma ya Playoffs ku nshuro ya 4 yikurikiranya. Mu nshuro 3 ziheruka 2021, 2022 na 2023, yatwayemo ibikombe byose. Inshuro 2 muri REG WBBC inshuro 1 muri APR WBBC.
Dumi, yatangiye gukinira APR WBBC mu 2013, amaze gutwara igikombe cya shampiyona inshuro 6. Inshuro 4 muri APR WBBC 2015, 2017, 2019, 2023 n'inshuro 2 muri REG WBBC 2021 na 2022.
Umugwaneza Charlotte, ni we mukinnyi umaze igihe kinini akina muri shampiyona y'u Rwanda mu bagikina ubu, kuva mu 2010 yari muri APR WBBC, amaze gutwarana nayo ibikombe 7 mu 2010, 2011, 2012, 2015, 2017, 2019 na 2023.
APR WBBC iratangira kwesurana na REG W BBC mu mikino ya nyuma ya betPawa Playoffs mu bagore
Umutoza wungirije wa REG W BBC, Mukaneza Esperance ni ku nshuro ya 4 agiye gutoza Playoffs
Ineza Sifa ni ku nshuro ya 3 agiye gukina imikino ya nyuma ya Playoffs
Kantore Sandra agiye gukina imikino ya nyuma ya Playoffs ku nshuro ya 4 yikurikiranya.
Umugwaneza ni we mukinnyi umaze igihe kinini akina muri shampiyona y'u Rwanda mu bagikina ubu
TANGA IGITECYEREZO