Ikipe ya Inter Miami ikinwamo na Messi nyuma yo gutwara igikombe cya MLS Supporters Shield, yagiye mu makipe azitabira igikombe Cy'Isi cy'amakipe asanzwe kizaba 2025.
Nyuma y'uko igikombe Cy'Isi cy'amakipe cyivuguruye kikajya ku makipe 32 kivuye ku makipe 6, Inter Miami ya Lionel Messi nayo izagikina.
Ubusanzwe Inter Miami ntabwo yari mu makipe akomeye gusa yaje kubica bigacika nyuma y'uko David Beckham afashe umwanzuro wo kuzana amazina akomeje nka Jordi Alba, Sergio Busquetes, Luis Suarez na Lionel Messi.
Mu ijoro ry'ejo hashize nibwo Inter Miami yatwaye igikombe cya MLS Supporters Shield, igikombe gihabwa ikipe yasoje imikino ya Regular Season irusha ayandi amanota.
Gutwara igikombe cya MLS Supporters Shield byatumye ikipe ya Inter Miami yiyongera mu makipe azakina igikombe Cy'Isi mu 2025, gusa Inter Miami bizatangazwa mu mpera z'uku kwezi na FIFA.
Inter Miami ibaye ikipe ya kabiri yo muri Amerika izitabira igikombe cya Clubs World Cup nyuma ya Seattle Sounders yegukanye CONCACAF Champions League ya 2022.
Nubwo Inter Miami itari yemezwa muri FIFA gusa kuba yemerewe kuzitabira igikombe Cy'Isi, birayiha amahirwe yo kuzakina umukino ufungura kuko na mbere byari biteganyijwe ko umukino wa mbere uzakinirwa kuri Stade ya Inter Miami ya Miami's Hard Rock Stadium.
Imikino y'igikombe cy'Isi izatuma Lionel Messi na bagenzi be nka Luis Suarez, Sergio Busquetes na Jordi Alba bongera gucakirana n'abakinnyi bakina ku Mugabane w'u Burayi.
Inter Miami ya Lionel Messi izakina igikombe Cy'Isi cy'amakipe asanzwe kizaba 2025
Lionel Messi akomeje gufasha Inter Miami kugera kuri byinshi bihambaye
Eng
RSS 
TANGA IGITECYEREZO