Umutoza w'u Bufaransa yahamagaye abakinnyi batarimo Mbappé

Kuri uyu wa Kane itariki 3 Ukwakira 2024 umutoza w'ikipe y'igihugu y'u Bufaransa Didier Deschamps yatangaje abakinnyi azifashisha mu mikino ibiri ya UEFA Nations League, benshi batungurwa no kutabona Mbappe ku rutonde.

Mu gihe Ikipe y'igihugu y'u Bufaransa iri kwitegura gucakirana na Israel n'u Bubiligi mu mikino ibiri ya UEFA Nations League, Umutoza Didier Deschamps yahisemo gusiga Mbappe, cyane ko yari aherutse kugira imvune mu mukino wahuje Real Madrid na Alavez.

Nubwo Mbappe yari yaravunitse, mu ijoro ryo kuri uyu wa Gatatu yinjiye mu kibuga asimbuye mu mukino Lille yatsinzemo Real Madrid igitego kimwe ku busa.

Nubwo Mbappe atari mu bahamagawe na rutahizamu Antoine Griezmann uherutse gusezera mu ikipe y'igihugu y'u Bufaransa ntabwo yagaragaye ku rutonde. 

Abakinnyi bahamagawe mu Bufaransa 

Mu bazamu harimo Alphonse Areola wa  West Ham United, Mike Maignan wa AC Milan na  Brice Samba  wa Lens. 

Ba myugariro bahamagawe mu ikipe y'igihugu y'u Bufaransa ni Jonathan Clauss  wa Nice, Lucas Digne wa Aston Villa, Wesley Fofana wa Chelsea, Theo Hernandez wa AC Milan, Ibrahima Konate  wa Liverpool, Jules Kounde wa Barcelona, William Saliba  wa Arsenal na Dayot Upamecano  wa Bayern Munich. 

Abakinnyi bo mu kibuga hagati ni Eduardo Camavinga wa Real Madrid, Youssouf Fofana  wa AC Milan, Matteo Guendouzi wa  Lazio, Manu Kone  wa AS Roma Roma, Aurelien Tchouameni wa Real Madrid, Warren Zaire-Emery  wa Paris Saint-Germain. 

Ba rutahizamu ni Bradley Barcola, Ousmane Dembele, Randal Kolo Muani ba Paris Saint-Germain, Christopher Nkunku wa Chelsea, Michael Olise wa Bayern Munich na  Marcus Thuram wa  Inter Milan. 

Kylian Mbappe yibuze mu bakinnyi bahamagawe mu ikipe y'igihugu y'u Bufaransa 

Mbappe yari aherutse kugirira imvune muri Real Madrid