Agaciro k'ifaranga ry'u Rwanda: Byifashe bite ku isoko ry'ivunjisha?

Ibyo u Rwanda rwohereje ku isoko mpuzamahanga muri 2020/2021 byari bifite agaciro ka miliyari 1.487 z'amadolari bivuye kuri miliyari 1.277 z'amadolari mu 2019-2020, bikaba byariyongereye ku gipimo cya 16.4%.

Raporo ngarukakwezi ya NISR igaruka ku bucuruzi mpuzamahanga ya Kamena 2024, igaragaza ko agaciro k’ibyo u Rwanda rwohereje mu mahanga muri Kamena kagabanyutseho 21.24% ugereranyije na Gicurasi 2024, ndetse kagabanyuka no ku kigero cya 0.21% ugereranyije na Kamena 2024.

Muri Kamena 2023 ibyo u Rwanda rwohereje mu mahanga byari bifite agaciro ka miliyoni 169.93 $, muri Gicurasi 2024 rwohereza ibifite agaciro ka miliyoni 215.30 $, mu gihe muri Kamena rwohereje ibifite agaciro ka miliyoni 169.58 $ bisobanura igabanyuka rya 0.21% ugereranyije n’umwaka ushize.

Ku rundi ruhande, ibyo u Rwanda rwinjije muri Kamena 2024 byari bifite agaciro ka miliyoni 637.23 $ bikaba byariyongereye ku kigero cya 0.13% ugereranyije n’ibifite agaciro ka miliyoni 636.39 $ byari byatumijwe muri Gicurasi 2024, ndetse byiyongera ku kigero cya 18.39% ugereranyije na Kamena 2024 kuko rwari rwatumije ibifite agaciro ka 538.23 $.

Ku bijyanye n’ibicuruzwa bitumizwa bikongera koherezwa mu mahanga, iyi raporo igaragaza ko muri Kamena 2024 u Rwanda rwohereje ibifite agaciro ka miliyoni 56.03 $ kakaba karagabanyutseho 5.21% ugereranyije na miliyoni 59.11 $ kariho muri Gicurasi ariko kiyongeraho 4.15% ugereranyije na miliyoni 53.80 $ kariho muri Kamena umwaka ushize. 

Nk’uko bimenyerewe rero, ibiciro by’ifaranga bihora bihindagurika ku isoko ry’ivunjisha umunsi ku wundi kandi abantu cyane cyane abakora ubucuruzi mpuzampahanga n’abatuye mu mahanga baba bakeneye kumenya uko ifaranga ry’u Rwanda rihagaze ugereranyije n’ayandi kugira ngo biborohereze mu gukora ubucuruzi bwabo.

Uyu munsi ku isoko ry’ivunjisha, idolari ryarazamutse mu Rwanda ariko ntibikabije cyane ugereranije n’ibihugu birukikije, kuko ifaranga ry'u Rwanda riracyafite agaciro ugereranije n'ibindi bihugu bituranyi.

Ni mu gihe mu yandi mahanga ya kure, idolari rigenda rizamura agaciro cyane ku buryo usanga amafaranga yaho agenda ata agaciro.

Dore uko ibiciro bihagaze ku isoko ry'ivunjisha mu Rwanda muri iki cyumweru: