Bite by'urukundo ruri kuvugwa hagati ya Jude Bellingham na Kim Kardashian wamubera nyirakuru?

Amakuru akomeje gukwirakwira ko mu minsi micye, urukundo rushobora kuba ruvuza ubuhuha hagati ya Jude Bellingham ukinira Real Madrid na Kim Kardashian wamamaye mu myidagaduro.

Ibinyamakuru bitandukanye byateruye bivuga ko uyu mukecuru Kim Kardashian w'imyaka 43 y'amavuko yamaze kwerura ko asigaye yarihebeye (Crush) uyu mwana w'imyaka 21 y'amavuko ukinira Real Madrid, Jude Bellingham.

Ibinyamakuru birangajwe imbere na Goal.com na Marca yo muri Esipanye, nabyo byatangaje ko Kim Kardashian wo muri USA yatangiye kwiyegereza Umwongereza Jude Bellingham, ubwo yamusabaga ko amufasha kwamamaza amakariso akorerwa mu ruganda rwe.

Amakuru avuga ko Kim Kardashian, umutima wenda kumungwa n'urukundo akunda Jude Bellingham, kugera n'ubwo aho aba ari hose, akunda gufungura telefone ye akirebera amashusho ya Jude Bellingham, yewe ngo ajya afata rutemikirere akajya kureba imikino ya Real Madrid ari uko ashaka kubona Jude Bellingham byonyine.

Nubwo Jude Bellingham biri kuvugwa ko akundwa bihebuje na Kim Kardashian wo muri Leta Zunze Ubumwe za Amerika, uyu mukinnyi wa Real Madrid bisanzwe bizwi ko ari mu rukundo na Laura Celia Valk, Umuhorandi w'umunyamideri.

Kim Kardashian we utagisinzira kubera uburanga bwa Jude Bellingham, kuva ku itariki 29 Ugushyingo 2022, nta mugabo afite nyuma yo gutandukana na Kanye West. 

Kim Kardashian biravugwa ko asigaye akunda cyane Jude Bellingham 

Biravugwa ko Kim Kardashian yabuze amahwemo kubera urwo akunda Jude Bellingham 

Jude Bellingham yari asanzwe mu rukundo na Laura Celia Valk ukomoka mu Buhorandi 

Laura Celia Valk usanzwe ukundana na Jude Bellingham