Brysee yanyuzwe n’umwanya yahawe muri MTN Iwacu Muzika i Nyagatare

Tariki ya 14 Nzeri 2024 ibitaramo bya MTN Iwacu Muziki byanatewe inkunga na Primus byakomereje mu Karere ka Nyagatare.

Nk'uko biteganijwe, abahanzi bakorera umuziki mu turere ibi bitaramo bizagenda binyuramo bakaba bahabwa umwanya wo gutaramira abakunzi babo.

Brysee  uri mu bagezweho n’aya mahirwe yagize  ati”Byabaye nk’inzozi kuri njye kuko niyo ‘big stage’ ya mbere naringize nyuma yo guhurira ku rubyiniro na Marina igihe nigaga muri UR/Nyagatare.”

Uyu muhanzi ubwo yahamagarwaga yabanje gushidikanya yibwira ko bitazakunda, ati”Kuri njye nabaye nk'usubijwe ikibazo nahoraga nibaza, nti ese ni ryari nanjye nzurira urubyiniro nka ruriya.”

Brysee agaragaza ko yakoze iyo bwabaga mu myiteguro kandi ibintu byagenze neza, yerekanye icyo ashoboye imbere y’ibihumbi byitabiriye ibi bitaramo byari bigeze i Nyagatare.

Ashimira ubuyobozi bwa East African Promoters butegura ibi bitaramo, anaboneraho guteguza indirimbo ye nshya yise ‘Byemewe’ izajya hanze mu gihe cya vuba.

Uyu musore asanzwe afite indirimbo zirimo Her Crazy, Nsanga na Wallah. Ari mu banyeshuri bari gusoza amasomo yabo muri Kaminuza y’u Rwanda ishami rya Nyagatare aho yize ‘Agricultural Engineering.

KANDA HANO UREBE INDIRIMBO ZA BRYSEE

">

Brysee yagaragaje ko yishimiye gahunda ya EAP yo guha umwanya impano z'abahanzi bakorera mu Ntara Big Dealer na we ukorera umuziki i Nyagatare hamwe n'ababyinnyi bo muri aka Karere bahawe umwanya Ibitaramo bya MTN Iwacu Muziki bikomeje gutanga ibyishimo ku bihumbi by'abantu aho kuri iyi nshuro bizagera mu turera umunani