Bamaze gukora indirimbo 20: Ibyo wamenya kuri 'Couple' y'abaramyi b'Abarundi Eline & Jean Pierre - VIDEO

Amazina asanzwe y'aba baramyi ni Iracampa Eline na Ndayikengurukiye Jean Pierre. Eline bakunze kwita Mama Joshua na Caleb ni umukristo wakiriye Yesu nk'Umwami n'umukiza. Ni Umuririmbyikazi w'indirimbo za Gospel, akaba akora umuziki ashyigikiwe n'umugabo we.

Umuhanzikazi Iracampa Eline umwe mu bagize itsinda Eline & Jean Pierre, yabwiye InyaRwanda ko yatangiye kuririmba kuva akiri umwana mu ma korali atandukanye yo muri Anglikani yo mu Burundi, by'umwihariko kuri Angilkane yo mu Nyakabiga.

Avuga ko Itorero rya Pentecôte yarigiyemo nyuma yo kurushinga (Mariage) kuko "umutware wanjye ari ho yari asanzwe asengera." Mu Bufaransa bakorera umurimo w'Imana muri Assemblée de Dieu, bakaba bamaze gukora indirimbo 20 zirimo 12 zigaragaza amashusho (Video) n'izindi 8 z'amajwi (Audio).

Indirimbo za Eline & Jean Pierre bazinyuza kuri shene ya Youtube ya Eline Iracampa. Izo bamaze gukora ni "Ijuru Riratabaye", "Mwokozi wetu", "Mpwemu Yera", "Yesu avukiye i Betelehemu", "Irabishikijee!", "Umwami w'abami", "Urugabano", "Umwaka mwiza";

"Ngo ino mu mutima wanje", "Umugororotsi ararindwa", "Ntihemuka", "Muganga mwiza ni Kristo", "Ibihembo", "Imitima imenetse", "Inkomezi zo Gusenga", "Mana uriho", "Amaraso ya Yesu", "Mon Berger", "I Getsemane" na "Umukunzi mwiza!".

"Ijuru Riratabaye" niyo ndirimbo aba baramyi baheruka gushyira hanze, ikaba irimo ubutumwa bubwira abantu ko Imana yumva ugusenga kw'abantu bayo, ikindi ibikorwa byiza umuntu w'Imana akora biribukwa, Imana ikabimuhembera kandi akiriho. 

Jean Pierre & Eline baherutse gushyira hanze indirimbo bise "Ijuru Riratabaye"

REBA INDIRIMBO NSHYA "IJURU RIRATABAYE" YA ELINE & JPIERRE