Ange Daniella mushiki wa Meddy, yafashe umwanya azirikana umubyeyi wabo umaze imyaka 2 yitabye Imana. Urupfu rw'uyu mubyeyi rwashenguye benshi biganjemo abafana ba Meddy.
Ku wa 14 Kanama 2024 ni bwo nyina wa Meddy yitabye Imana
azize uburwayi.
Uyu mubyeyi wari umaze iminsi arwariye muri Kenya, yaherekejwe ku wa 28 Kanama 2024, bivuze ko imyaka 2 ishize atabarutse.
Mushiki wa Meddy, Ange Daniella yazirikanye uyu mubyeyi. Mu butumwa yasangije abamukurikira yagize ati: ”Mama, uyu munsi imyaka 2 irashize uhereye igihe wagiye kubana n’Imana.”
Yongeraho ati: ”Ariko ibikutwibutsa biracyari byose. Ndagukunda
cyane kandi ndagukumbuye Mama.”
Asoza agira ati: ”Kugeza twongeye guhura ku munsi wo
kuzuka. Ndagukunda iteka nshuti yanjye magara.”
Ange Daniella ni we mwana muto mu muryango we akaba akurikira Meddy bakagira n’umuvandimwe
mukuru witwa Chris.
Ababyeyi babo bose baratabarutse, ari bo Cyabukombe
Alphonsine na Sindayihebura Alphonse.
Mu bihe bitandukanye Meddy yagiye agaragaza ko gukunda umuziki no gusenga yabikomoye ku mubyeyi we Cyabukombe Alphonsine.
Imyaka ibiri irashize Cyabukombe Alphonsine yitabye Imana azize uburwayi
Ange Daniella ubwo yari kumwe n'abavandimwe be Meddy na Chris ku munsi wo guherekeza umubyeyi wabo [Mama]
TANGA IGITECYEREZO