Bhutan yatangiye kwigenga! Ibyaranze uyu munsi mu mateka y'Isi

Ibintu biba byarabaye kuri iyi tariki mu myaka yashize ni byinshi cyane ariko uyu munsi, InyaRwanda yaguhitiyemo bimwe mu by’ingenzi bidateze kwibagirana mu mateka y’isi.

Bimwe mu byaranze uyu munsi mu mateka:

1605: Hashinzwe Umujyi wa Oulu, uherereye muri Finland, ushinzwe n’uwitwa Charles IX of Sweden.

1908: Wilbur Wright, Umuvandimwe wa Orville yakoze urugendo rwe rwa mbere mu ndege, yagurukiye ahitwa Le Mans mu Bufaransa, uru ni rwo rugendo rwakozwe ku mugaragaro n’abavandimwe babiri bazwi cyane nka Wright brothers.

1945: Mu Ntambara ya Kabiri y’Isi yose, Leta Zunze Ubumwe z’Abasoviyete (URSS) yatangaje ko igiye kugaba intambara ku Buyapani, URSS ihita itangira amayeri ya gisirikare yo kwigarurira u Buyapani yise Manchurian Strategic Offensive Operation.

1949: Bhutan yatangiye kwigenga.

1960: Intara ya Kasai y’Amajyepfo yiyomoye kuri Congo Kinshasa biturutse ku mvururu zishingiye kuri politiki, iyi ntara isa n’iyiganye iya Katanga na yo yari yari yarayobotse inzira yo kwigenga.

1967: Hashinzwe ishyirahamwe rihuza ibihugu byo muri Aziya y’Amajyepfo ASEAN (Association of Southeast Asian Nations) rishingwa n’ibihugu bya Indonesia, Malaysia, Philippines, Singapore na Thailand.

1968: Jurō Wada ku nshuro ya mbere yashoboye kwimura umutima w’umuntu ibasha kuwutera mu wundi.

1990: Iraq yigaruriye Kuwait ndetse iyiyomekaho, ibi byaje kuba imbarutso y’intambara yo mu kigobe.

Bamwe mu bavutse uyu munsi:

1875: Artur da Silva Bernardes, wabaye Perezida wa Brazil.

1879: Bob Smith, Umunyamerika washinze Alcoholics Anonymous, Sosiyete igamije guteza imbere inganda z’abakora ibinyobwa bisindisha.

Bamwe mu bitabye Imana uyu munsi:

1995: John Adams, umukinnyi w’umupira w’amaguru ukomoka muri Amerika.

2005: John H. Johnson, Umunyamerika ufite inkomoko muri Afurika.