Chley wamamaye mu ndirimbo 'Komasava' na Diamond ategerejwe i Kigali

Iyi ndirimbo iraca uduhigo uko bucyeye n’uko bwije kuva yajya hanze, ku wa 3 Gicurasi 2024. Nk’ubu ‘Audio’ yayo kuri Youtube imaze kurebwa n’abantu barenga Miliyoni 4.7.

Ariko kandi, ku wa 25 Nyakanga aba bahanzi bombi Diamond Platnumz, Khalil Harisson na Chley bahuje imbaraga na Jason Deruko wamamaye muri Leta Zunze Ubumwe za Amerika basubiramo iyi ndirimbo ‘Komasava’.

Ushingiye ku mibare itangwa n’umuyoboro wa Youtube, iyi ndirimbo imaze kurebwa n’abantu barenga Miliyoni 6. Iri mu ndirimbo zigezweho muri iki gihe, ndetse ibihumbi by’ibyamamare ku isi bimaze igihe biyifashisha.

Ibi byatumye izina rya Chley rikomera muri iki gihe. Ni umukobwa uri kubica bigacika muri Afurika y’Epfo no mu bindi bice aho injyana ya ‘Amapiano’ yiganje.

Mu ijoro ryo kuri uyu wa Gatanu tariki 2 Kanama 2024, yifashishije konti ye ya Instagram yasohoye urutonde rw’ibitaramo agiye gukorera mu bihugu bitandukanye “International Tour.”

Ni ibitaramo yatangiye gukora kuva kuri uyu wa Gatandatu ahereye mu Mujyi wa Dubai muri Leta Zunze Ubumwe z'Abarabu, aho biteganyijwe ko azabisoreza mu Majyaruguru ashyira uburengerazuba muri Afurika y'Epfo.

Yagaragaje ko ku wa 7 Kanama 2024 azataramira mu Mujyi wa Kampala muri Uganda, azakomereza i Kigali ku wa Gatanu tariki 9 Kanama 2024 aho azakorera igitaramo i Kigali mu Rwanda.

Azava i Kigali yerekeza mu Mujyi wa Cotonou muri Benin ku wa 11 Kanama 2024. Ku wa 17 Kanama 2024 azatamira ahitwa Bahran, ku wa 25 Kanama azataramira muri Congo i Lubumbashi, ni mu gihe ku wa 31 Kanama 2024 azatamira ahitwa Barberton muri Afurika y'Eofo. Yabwiye abafana be n’abakunzi b’umuziki kwitegura gutaramana nawe.

Mu rugendo rwe rw’umuziki amaze gukorana indirimbo n’abahanzi bakomeye barimo nka: Mellow & Sleazy, Musa Keys, Uncle Waffles n’abandi.

Yigeze kuvuga ko yatangiye umuziki mu 2021. Icyo gihe yajyaga muri studio zo muri karitsiye iwabo, ari naho Musa Keys wamamaye mu ndirimbo ‘Jerusalema’ yaje kubona impano ye binyuze ku mbuga nkoranyambaga yiyemeza kumufasha.

Chley yavuze ko kiriya gihe yakoraga ibihangano biri mu njyana ya ‘Amapiano’ ariko muri we yumvaga yanagerageza gukora indirimbo zubakiye kuri ‘Neo Soul’.

Ariko kandi ‘uko nakomezaga gukora indirimbo zubakiye kuri ‘Amapiano’ urukundo rw’iyi njyana rwagiye rwiganza muri njye buri uko ngenda nkura’.

Yavuze ko Musa Keys, Tems, Siyakha Khit bari ku rutonde rw’abahanzi bamubera ikitegererezo. Yumvikanishije ko umwihariko we mu muziki, ni ukwandika ibintu abantu bisangamo, kandi bakabyina bigatinda.

Chley wamamaye muri Komasava yatangaje ko ku wa 9 Kanama 2024 azatamira i Kigali

Chley anafite indirimbo ‘Sele’ yakoranye n’umuhanzi Mbosso uri mu bakomeye muri Tanzania

Chley anafitanye indirimbo na Diamond bise ‘Shu! yabanjirije indirimbo mishinga yose bakoranye

Chley yatangaje uruhererekane rw’ibitaramo agiye gukorera mu bihugu bitandukanye muri Afurika

KANDA HANO UREBE AMASHUSHO Y’INDIRIMBO‘KOMASAVA’

">

KANDA HANO UREBE INDIRIMBO 'SHU!' YA CHLEY NA DIAMOND

">

KANDA HANO UREBE INDIRIMBO 'SELE' YA CHLEY NA MBOSSO

">