Lionel Messi n'umugore we baryohewe n'ubuzima i Miami

Umwe mu bakinnyi batajya bagarukwaho cyane hanze y'ikibuga ni Lionel Messi ugereranyije na mukeba we Cristiano Ronaldo. Kuri ubu rero ari kugarukwaho nyuma y'amafoto yashyizwe hanze n'umugore we ayanyujije kuri Instagram ku mugoroba wo kuwa Mbere.

Antonela Roccuzo yashyizeho amafoto ari kumwe n'umugabo we, Lionel Messi bari mu bwato i Miami ubona baryohewe n'ubuzima. Yanashyizeho andi mafoto bari kumwe na Luis Suarez, umugore we Sofia n'abandi bo mu muryango we nabwo bari i Maimi mu bwato.

Lionel Messi na Luis Suarez basanzwe ari inshuti magara kuva bakinana mu Ikipe FC Barcelona kugeza ubu bakinana muri Inter Miami ndetse akenshi iyo bari mu biruhuko bombi bakunda kuba bari kumwe.

Uyu mukinnyi ubitse Ballon d'Or 8 aryohewe n'ubuzima mu biruhuko nyuma y'uko agize ikibazo cy'imvune ari ku mukino wa nyuma wa Copa America batsinzemo Colombia, bagahita begukana igikombe. 

Kugeza ubu ntabwo bizwi igihe azavira mu mvune agakomeza gufasha ikipe ye ya Inter Miami irimo irakina imikino ya shampiyona.

Lionel Messi agaragaye mu biruhuko nyuma yuko na Cristiano Ronaldo yari amaze iminsi agarukwaho cyane aho na we abirimo n'umugore we Georgina Rodriguez.

Lionel Messi n'umugore we baryohewe n'ubuzima mu biruhuko 

 Antonella Roccuzo yasangije amafoto abamukurikira ari mu bwato n'umugabo we 

Lionel Messi ari kumwe n'abo mu muryango wa Luis Suarez mu biruhuko